थु़र्मा 25:6 - थुलुङ राई

⁶ लेतले, को धु़मनेम कोति यरूशलेमडा बाइडा मा किब्‍दी साखामचो़ फेस्‍तस कैसरिया ख्‍लोसिड्‌डा। मेरामकु दिकाम नेम ङा फेस्‍तस नियाबेपाकु गन्‍खोपडा गन्‍डामा पावललाई रेन्‍बेड्‌डु़मी।

थु़र्मा 25:6 Referans Kwoze

थु़र्मा 25:17

मेर्मिम खोत्‍ले खोम्‍सिम्‍डिमा आसिन्‍डा रोम्‍डी, मा दाला-दाला बाङ्‌सिङ्‌डोमा उ दिकाम ङा गो निया बेपाकु गन्‍खोपडा गन्‍ङोडोमा पावललाई मेसिन्‍डा रेन्‍बेत्तोमी।

थु़र्मा 25:10

लावो पावलका र्‍वाक्‍ता, “गो रोमी हप कैसरकु अदालतडा येम्‍तासिङुमिम बु, आसिन्‍डा ङा आमा निया दु़म्‍मु बासी। यहूदीमिमलाई गो हाम वो मेजो़पा बेउतोमिम मिबु र्‍वाक्‍पा ल्‍वा ने गानी जो़होमका चनिमिम बु।

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

याकूब 2:6

लावो गानी उ हाम वो मेबाट्‌पामिमलाई मेजो़पा बेन्‍निम बु। हाम खाप्‍चीचो़मिमका गानीलाई छेम-छेम मेडनिमि मा? मेर्मिमका गानीलाई रो़-रो़न्‍थु़त्तो अदालतडा मेलनिवा मा?

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

यूहन्‍ना 19:13

पिलातसका ओराम ल्‍वा थो़स्‍तु़मा येशूलाई पाखानो फिड्‌डु़। मेम्‍मा गु ‘लुङकु पाटी’ (हिब्रू ल्‍वाडा मेरामलाई गब्‍बथा र्‍वामी) र्‍वाक्‍मा बायडा नियाचो़ गन्‍पा गन्खोपडा गन्‍डा।

थु़र्मा 8:40

लावो फिलिप ने अश्‍दोद र्‍वाक्‍मा शहरडा रोक्‍फाड्‌डा। मेम्‍मा कैसरिया मेरोक्‍थिट्‌थु़म खोत्‍ले शहरडा येशूकु दुथाममिम जो़पा-सेला थो़बेत्तो लस्‍ता।

थु़र्मा 25:1

किब्‍दी साखामचो़ फेस्‍तस जिल्‍लाडा रोक्‍ताम सुलेम चङडा कैसरिया शहरलामका यरूशलेम लस्‍ता।

थु़र्मा 25:4

लावो किब्‍दी साखामचो़ फेस्‍तसका मेर्मिमनुङ र्‍वाक्‍ता, “पावल कैसरियाडा ङा चक्‍साका जु़ल्‍मा बु, मा गो वो दालाङा मेसिन्‍डा ख्‍लोसिङुमा लङु,

थु़र्मा 25:5

मेम्‍मिमका गानीगोडाम डोक्‍पु मु़चु़मिम गोनुङ मेसिन्‍डा लमिनु़, मा पावलका बु़डु़म कोङनिम मेजो़पा-ल्‍वा बु माला गुलाई मुमा बेन्‍मिनु़।”