थु़र्मा 25:12 - थुलुङ राई

¹² मेकोतिमा किब्‍दी साखामचो़ फेस्‍तसका मुलु़बोमु ख्‍लो़पामिमनुङ ल्‍वा हिलाबु़डु़मा र्‍वाक्‍ता, “गाना रोमी हप कैसरकाडा लमु न बेन्‍नामका गाना कैसरकाडा ङा लना।”

थु़र्मा 25:12 Referans Kwoze

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 28:16

गुकु रोमडा रोक्‍तोको, मा पावललाई उ त्‍वाप ङा बुमु ग्‍वाम्‍डी। लावो कोले सिपाहीका गुलाई रेप्‍थाल्‍लु़।

थु़र्मा 26:32

मेकोतिमा अग्रिपासका फेस्‍तसनुङ र्‍वाक्‍ता, “ओरामका रोमी डोक्‍पु हप कैसरकाडा लङु मेर्‍वाकावाम माला ने डिसोक्‍पाका लोवो नु़यावा।”

थु़र्मा 25:21

लावो पावलका रोमी डोक्‍पु हपका आमा रिबुसी ल्‍वाकु दुथाममिम निया मेबेसाक्‍थु़मसम्‍म आसिङा बुङु र्‍वाक्‍ता। मेम्‍मिमका गो पावललाई रोम शहरडा बाट्‌पा कैसर हपकाडा मेथु़र्थु़म जो़होमका आसिन्‍डा रेप्‍नी बेउतोमिम बु।”

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

मत्ती 22:17

मेम्‍मिमका गुकुनुङ र्‍वाक्‍नी, कैसरलाई कर सोमु बासी डे मेबासी?”

थु़र्मा 25:11

गो सिमुका घ्रेट्‌पा कोङनिम खारी बेउतोम बु माला, गो सिमुडाम मेङिङु। लावो गो मेप्‍माम मेजो़पा खारी हाम वो बेउतोम मिबु माला सु़का वो गोलाई सेन्‍मु यहूदीमिमकु ल्‍वाड्‌डा ग्‍वामु मेचाप्‍सु़। कैसरका आमा रिबुसी ल्‍वाकु दुथाम रेम्‍साङिनु़ र्‍वाङु।”

थु़र्मा 25:13

कोलेम-नलेम चङडा किब्‍दी साखामचो़ फेस्‍तसनुङ घ्रो़म्‍डा हप अग्रिपास नुङ उमा जाउमो ल्‍वाक बरनिकी कैसरियाडा रोक्‍फाच्‍ची।

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।