थु़र्मा 25:11 - थुलुङ राई

¹¹ गो सिमुका घ्रेट्‌पा कोङनिम खारी बेउतोम बु माला, गो सिमुडाम मेङिङु। लावो गो मेप्‍माम मेजो़पा खारी हाम वो बेउतोम मिबु माला सु़का वो गोलाई सेन्‍मु यहूदीमिमकु ल्‍वाड्‌डा ग्‍वामु मेचाप्‍सु़। कैसरका आमा रिबुसी ल्‍वाकु दुथाम रेम्‍साङिनु़ र्‍वाङु।”

थु़र्मा 25:11 Referans Kwoze

थु़र्मा 28:19

लावो यहूदीमिम ने आमा कोर्थो़लाम बम्‍डिमका गो रोमी डोक्‍पु हप कैसरका आमा रिबुसी ल्‍वाकु दुथाम रेम्‍साङनु़ र्‍वाङ्‌डो। आमा त्‍वाकु मु़चु़मिमकु कोर्थो़लाम जेमु गोनुङ हाम वो ल्‍वा मेबायावा।

थु़र्मा 26:32

मेकोतिमा अग्रिपासका फेस्‍तसनुङ र्‍वाक्‍ता, “ओरामका रोमी डोक्‍पु हप कैसरकाडा लङु मेर्‍वाकावाम माला ने डिसोक्‍पाका लोवो नु़यावा।”

थु़र्मा 25:25

लावो सिमु बासिक्‍पा मेजो़पा खारी ओरामका हाम वो बु़डु़म गो मेडारुवा। मेकोतिमा उ त्‍वाका ङा वो रोमी हपका निया बोङसाङमिनु़ र्‍वाक्‍तामका, गो ओरामलाई मेसिन्‍डा थु़र्मु मुलु़ बेउतो।

थु़र्मा 25:21

लावो पावलका रोमी डोक्‍पु हपका आमा रिबुसी ल्‍वाकु दुथाममिम निया मेबेसाक्‍थु़मसम्‍म आसिङा बुङु र्‍वाक्‍ता। मेम्‍मिमका गो पावललाई रोम शहरडा बाट्‌पा कैसर हपकाडा मेथु़र्थु़म जो़होमका आसिन्‍डा रेप्‍नी बेउतोमिम बु।”

१ थेसलोनिकी 2:15

मेर्मिम यहूदीका ङाचो़ येशू नुङ माम्‍चु़नीलाम-जेपामिमलाई सेट्‌मिडी, मा गुकुलाई वो खासोक्‍तिकी। मेर्मिमका माम्‍चु़नीलाई गेर्सी मेबेन्‍मी, मा खोत्‍ले मु़चु़कु कोर्थो़लाम बमी।

थु़र्मा 25:10

लावो पावलका र्‍वाक्‍ता, “गो रोमी हप कैसरकु अदालतडा येम्‍तासिङुमिम बु, आसिन्‍डा ङा आमा निया दु़म्‍मु बासी। यहूदीमिमलाई गो हाम वो मेजो़पा बेउतोमिम मिबु र्‍वाक्‍पा ल्‍वा ने गानी जो़होमका चनिमिम बु।

थु़र्मा 22:25

मेकोतिमा मेर्मिमका पावललाई कोक्‍तेकु रिवाका बट्‌मिडी। मेकोतिलो उमा फार्डा ङा येम्‍तासिट्‌पा कप्‍ताननुङ पावलका र्‍वाक्‍ता, “हाम कोङ रोमी नागरिकलाई ङादो अदालतडा मुमा मेबेसाका ङा याल्‍मु रोमी डु़म्‍लाडा बु?”

थु़र्मा 18:14

पावलका जेमु ङा खाप्‍डु़म थारीका गलियोनका मे यहूदीमिमलाई बु़डु़मी, “यहूदीनी, ओराम मु़चु़का कोङनिम मेजो़पा खारी नुङ छो़म मेजो़पा ख्‍लाम्‍या बु़वाम माला ने गो इनीमा ल्‍वा थो़उवा,

थु़र्मा 16:37

लावो पावलका सिपाहीमिमनुङ र्‍वाक्‍ता, “गुचुकु रोमीकाम नागरिक बात्तो-बात्तो वो खोत्‍ले मु़चु़मिमकु ङादोडा हिलाहिसी मेबेसाका ङा मेर्मिमका याल्‍चिकिमिमा चक्‍चिकिमी। मेकोतिमा आकोतिलो ने गुचुकुलाई लिबावा डिन्‍सोमु न बोमी? मेमका ने मेनु़। मेर्मिम उनी त्‍वाप ङा रोमिनु़, मा गुचुकुलाई डिन्‍चिकिमिनु़।”

थु़र्मा 25:12

मेकोतिमा किब्‍दी साखामचो़ फेस्‍तसका मुलु़बोमु ख्‍लो़पामिमनुङ ल्‍वा हिलाबु़डु़मा र्‍वाक्‍ता, “गाना रोमी हप कैसरकाडा लमु न बेन्‍नामका गाना कैसरकाडा ङा लना।”