थु़र्मा 25:10 - थुलुङ राई

¹⁰ लावो पावलका र्‍वाक्‍ता, “गो रोमी हप कैसरकु अदालतडा येम्‍तासिङुमिम बु, आसिन्‍डा ङा आमा निया दु़म्‍मु बासी। यहूदीमिमलाई गो हाम वो मेजो़पा बेउतोमिम मिबु र्‍वाक्‍पा ल्‍वा ने गानी जो़होमका चनिमिम बु।

थु़र्मा 25:10 Referans Kwoze

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

थु़र्मा 28:18

रोमीमिमका गोलाई हिलाहिसी बेङ्‌डिमी, मा सेन्‍मुका घ्रेट्‌पा ल्‍वा हाम वो मेडार्मिवामका गोलाई डिन्‍सोमु न बेम्‍डिम बाइडा।

थु़र्मा 26:31

मेर्मिम मेलामका लम्‍डिलो उनी त्‍वाप-त्‍वापडा आरे र्‍वाबेम्‍डी, “ओराम मु़चु़का सेन्‍मु नुङ चमुका घ्रेट्‌पा हाम वो बु़डु़म मिबु।”

थु़र्मा 25:25

लावो सिमु बासिक्‍पा मेजो़पा खारी ओरामका हाम वो बु़डु़म गो मेडारुवा। मेकोतिमा उ त्‍वाका ङा वो रोमी हपका निया बोङसाङमिनु़ र्‍वाक्‍तामका, गो ओरामलाई मेसिन्‍डा थु़र्मु मुलु़ बेउतो।

मत्ती 27:18

हेङालोने ङाउमिम उनी नो़ मेनु़यावामका येशूलाई उमा ल्‍वाड्‌डा ग्‍वाम्‍डिम र्‍वाक्‍पा पिलातसका चडु़म बाइडा।

थु़र्मा 25:17

मेर्मिम खोत्‍ले खोम्‍सिम्‍डिमा आसिन्‍डा रोम्‍डी, मा दाला-दाला बाङ्‌सिङ्‌डोमा उ दिकाम ङा गो निया बेपाकु गन्‍खोपडा गन्‍ङोडोमा पावललाई मेसिन्‍डा रेन्‍बेत्तोमी।

थु़र्मा 25:6

लेतले, को धु़मनेम कोति यरूशलेमडा बाइडा मा किब्‍दी साखामचो़ फेस्‍तस कैसरिया ख्‍लोसिड्‌डा। मेरामकु दिकाम नेम ङा फेस्‍तस नियाबेपाकु गन्‍खोपडा गन्‍डामा पावललाई रेन्‍बेड्‌डु़मी।

थु़र्मा 23:29

मेर्मिमका ओरामलाई उनीमा डु़म्‍लाकु दुथाम मेजो़पा ल्‍वामिम उमा बुइडा उट्‌मिमिम रेछा। लावो सेन्‍मु, चमु बासिक्‍पा मेजो़पा ल्‍वा ओरामका बु़डु़म गो मेडारुवा।

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”