थु़र्मा 24:27 - थुलुङ राई

²⁷ लावो नक थ चङडा फेलिक्‍सकु खुन्‍चु़म पर्किअस फेस्‍तसका रङडु़, मा यहूदीमिमलाई गेर्सिबेन्‍मु फेलिक्‍सका पावललाई चक्‍जो़ल्‍लु़मा लस्‍ता।

थु़र्मा 24:27 Referans Kwoze

थु़र्मा 25:9

किब्‍दी साखामचो़ फेस्‍तसका यहूदीमिमलाई गेर्सिबेन्‍मु नका पावललाई र्‍वाक्‍ता, “हाम गाना यरूशलेमडा लमुमा मेसिन्‍डा आमा ङादोडा ओर्मिम ल्‍वाकु दुथाम निया दु़म्‍नु़ र्‍वाक्‍पा न बोना?”

थु़र्मा 25:14

मेर्चिप मेसिन्‍डा हापा ङा बाच्‍चिम चङडा फेस्‍तसका पावलकु रिबुसी ल्‍वाकु दुथाम मेराम हपलाई थो़बेत्तो र्‍वाक्‍ता, “किब्‍दी साखामचो़ फेलिक्‍सका चक्‍जो़ल्‍लु़म कोले मु़चु़ आसिन्‍डा बु।

थु़र्मा 12:3

ओराम खारीका यहूदीमिम गेर्सिम्‍डिम ल्‍वास्‍तु़, मा हेरोदका सेल्सिमुनेमकु चाडकाम सो़बेम पोमु थारीका पत्रुसलाई चु़म्‍डु़।

थु़र्मा 25:1

किब्‍दी साखामचो़ फेस्‍तस जिल्‍लाडा रोक्‍ताम सुलेम चङडा कैसरिया शहरलामका यरूशलेम लस्‍ता।

मर्कूस 15:15

मेकोतिमा पिलातसका मु़चु़मिमलाई गेर्सिबेन्‍मु नका बारब्‍बा डिड्‌डु़, मा येशूलाई कोक्‍तेकाम याल्‍खोपका याल्‍बेत्तो क्रूसडा चेन्‍मुलाई सिपाहीमिमकु ल्‍वाडा ग्‍वाक्‍तु़।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

थु़र्मा 26:32

मेकोतिमा अग्रिपासका फेस्‍तसनुङ र्‍वाक्‍ता, “ओरामका रोमी डोक्‍पु हप कैसरकाडा लङु मेर्‍वाकावाम माला ने डिसोक्‍पाका लोवो नु़यावा।”

थु़र्मा 28:30

पावल खउलुङ सोक्‍साका बाट्‌पा नेमडा नक थ बाइडा, मा उमाडा रोक्‍पामिम खोत्‍लेलाई गेर्सिक्‍तो हुनाखाना बु़थाल्‍लु़मी।

थु़र्मा 25:4

लावो किब्‍दी साखामचो़ फेस्‍तसका मेर्मिमनुङ र्‍वाक्‍ता, “पावल कैसरियाडा ङा चक्‍साका जु़ल्‍मा बु, मा गो वो दालाङा मेसिन्‍डा ख्‍लोसिङुमा लङु,

थु़र्मा 23:35

“गानालाई मुमा बेट्‌पामिम रोमिमा इमा रिबुसी ल्‍वाकु दुथाम गो थो़उ।” मेकोतिमा हेरोदका बनेबु़डु़म ओगानेमगोडा पावललाई लनी बु़डु़मी।