थु़र्मा 24:25 - थुलुङ राई

²⁵ लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

थु़र्मा 24:25 Referans Kwoze

यूहन्‍ना 16:8

गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

२ पत्रुस 1:6

इनी न छेबेसीडला त्‍वापलाई जो़होमका जु़ल्‍सी, मा त्‍वापलाई जो़होमका जु़ल्‍सीडला इम्‍सिसी, इनी इम्‍सिसीडला माम्‍चु़नीकु लाम्‍दीडा लाम्‍दीसी,

गलाती 5:23

याक्‍के दु़म्‍मु चापा, त्‍वाका त्‍वापलाई जो़होमका जु़ल्‍मु चापा। आरेप्‍माम ल्‍वामिमकु कोर्थो़लाम उहेम वो डु़म्‍ला मिबु।

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

हिब्रू 9:27

खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

२ कोरिन्‍थी 6:2

माम्‍चु़नीका र्‍वामी: “दिदाम बेपा जो़पा थारीका गो इमा सो़म्‍दी थो़उतो। सेल्‍पा नेम गो गानालाई ख्‍लो़न्‍नी।” रेप्‍नी, माम्‍चु़नीका दिदाम बेपा जो़पा थारी ओम्‍लोङा सो़, सेल्‍सिक्‍पा थारी ओम्‍लोङा सो़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

थु़र्मा 24:15

मेर्मिमका जो़पा खारी बेपा नुङ मेजो़पा खारी बेपा मु़चु़मिम खोत्‍ले सिमिमा बमी र्‍वाक्‍साका माम्‍चु़नीडा लम्‍थाट्‌मिमिम होम्‍साका ङा गो वो लथाक्‍पुमिम बु।

थु़र्मा 17:32

मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।

थु़र्मा 17:2

उ बादु़खाम होम्‍साका पावल घ्रो़म्‍दीनेमगोनो हुङ्‌डा, मा सु ङेम्‍सिमुनेमसम्‍म मेर्मिमलाई सीत्तो मेसिन्‍डा बाइडा। गुका माम्‍चु़नीकु सिजेमलामका,

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

हिब्रू 12:21

मेसिन्‍डा मेर्मिमका उनी मिक्‍सीका हाम ल्‍वाम्‍डिम मेराम आकोति छो़म ङिमलु़पा बाइडा, मोशाका वो “आ ङिमुका रुङी” र्‍वाक्‍ताम बाइडा।

रोमी 14:12

मेम्‍मिमका गुइ बिइडिम खोत्‍ले खारीकु दुथाम माम्‍चु़नीनुङ त्‍वाकाङा सो़मु बासी।

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

थु़र्मा 26:28

मेकोतिमा अग्रिपासका पावलनुङ र्‍वाक्‍ता, “हाम गाना गोलाई कति दु़पा ल्‍वाका येशूडा थो़रलु़पा दु़म्‍बेन्‍मु माल्‍ङिमिम?”

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 9:6

बका, मा शहरगोनो लक्‍सा। गाना हाम बोमु बासी, मेराम कोलेका सीना।”

मत्ती 22:5

“लावो हपका येड्‌डु़मिम ल्‍वाडा न मेसोक्‍मिवा, मा कोले ब्‍याङसीथो़ लस्‍ता, कोले उ ब्‍यापारथो़ लस्‍ता।

थु़र्मा 24:26

पावलका खउलुङ ग्‍वाङी वो र्‍वाक्‍पा किब्‍दी साखामचो़ फेलिक्‍सका मिम्‍डु़म बाइडा। मेम्‍मिमका गुका पावल हेल्‍लो लोवो येड्‌डु़मा ल्‍वा बु़थाल्‍लु़।

तीतस 1:8

लावो बोच्‍चो़कु चापे-डुपे बेपा, जो़पा खारी बोमु द्‌वाक्‍पा, मिम्‍साका खारी बेपा, सु़डला वो चोमिक्‍सी मेबेसाका निया बेपा, न-गो सेपा मा त्‍वाका त्‍वापलाई जो़होमका जु़ल्‍मु चापा दु़म्‍मु बासी।