थु़र्मा 24:22 - थुलुङ राई

²² फेलिक्‍सका ख्रीष्‍टकु लाम्‍दीकु दुथाम जो़होमका चडु़म बाइडामका ओर्मिम खोत्‍ले थो़मु दु़म्‍स्‍तु़मा मेर्मिमलाई आरे बेसाका थु़र्स्‍तु़मी, “कमाण्‍डर लुसियस आसिन्‍डा रोमा इनीमा रिबुसी ल्‍वा गो फ्‍यान्‍सानिनी।”

थु़र्मा 24:22 Referans Kwoze

थु़र्मा 26:3

यहूदीमिमकु खोत्‍ले बादु़खाम नुङ रिबुसी गस्‍ताम ल्‍वाकु दुथाम ने गानी चन्‍ल्‍यानिमिम ङा बु। मेम्‍मिमका गो जेङुमिम जो़होमका थो़ङसाङनी र्‍वाङु।

थु़र्मा 25:26

ओरामकु दुथाम गो डोक्‍पु हपलाई र्‍यामु बासिक्‍पा ल्‍वा हाम वो मिबु। मेम्‍मिमका गो ओराम मु़चु़लाई हप अग्रिपास नुङ गानी खोत्‍लेकु ङादोडा रेत्तोम बु, मा गानी ओरामलाई हिलाहिसी बेनी। मेम्‍मा कोङनिम ल्‍वा लुक्‍ता माला गो हाम-हुम र्‍यामु चापु।

थु़र्मा 24:24

कोलेम-नलेम चङडा फेलिक्‍स उ यहूदी नाइमे द्रुसिल्‍लानुङ रोक्‍ची। मेकोतिमा पावललाई येड्‌डु़मा येशू ख्रीष्‍टडाम थो़रकु दुथाममिम ल्‍वा पावललामका थो़स्‍तु़।

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

थु़र्मा 24:10

किब्‍दी साखामचो़ फेलिक्‍सका गुलाई ल्‍वा थो़त्तो जेबेड्‌डु़ मा पावलका र्‍वाक्‍ता, “हापा थ आथाम गानी यहूदीमिमकु निया बेपा दु़म्‍निम ल्‍वा थो़उतोमका गो गेर्सिक्‍तो आमा दुथाममिम ल्‍वा र्‍वाङु,

थु़र्मा 24:6

ओरामका सो़रनेम मेसेपा बोमु माल्‍लु़म बाइडा, लावो ओरामलाई गुकु चु़म्‍तोको। आकी डु़म्‍लाका र्‍वामिम होम्‍साका ओरामलाई देन्‍दे ग्‍वामु वो खाप्‍तोकोम बाइडा।

थु़र्मा 18:20

मेर्मिमका पावललाई आथावो कोलेम-नलेम गुकुनुङ बानी र्‍वाम्‍डिम-र्‍वाम्‍डिमङा बेम्‍डी, लावो पावल मेबिसावा।

मत्ती 2:7

हेरोद हपका मे ज्‍योतिषीमिमलाई मेल्‍वाखोपडा लडु़मी। मेम्‍मा हाङकोलोका मे सोरलुङ रेम्‍बेसिड्‌डाम, मेराम हिलाबेसाका चडु़।

थु़र्मा 9:2

मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।

थु़र्मा 19:40

आनेपमिम ओराम रिबुसी-ल्‍वाकु देन्‍दे इकीमा बुइडला रो र्‍वाक्‍पा ङिम लु़डाम बु। हेङालोने ओराम हाम ना हामकु रिबुसी-ल्‍वाकु दुथाम गुइ हाम वो र्‍वामु मेचाप्‍सी।”