थु़र्मा 24:11 - थुलुङ राई

¹¹ गो यरूशलेमडा माम्‍चु़नीकु सो़रलोले बेप्‍डा लङडोम को-न (१२) लेम कोङङा दु़स्‍ताम बु र्‍वाक्‍पा ल्‍वा गानी मेडेङा थेसिथेन्‍ल्‍यानी।

थु़र्मा 24:11 Referans Kwoze

थु़र्मा 24:1

ङोलेम चङडा डोक्‍पु ङाउ डु़म्‍लाचो़ हननिया, कोले-नले ङाउमिम, तर्तुल्‍लस र्‍वाक्‍मा कोले वकीलनुङ मेसिन्‍डा रोम्‍डी, मा मेर्मिमका पावलकु कोर्थो़लाममिम रिबुसी ल्‍वाकु दुथाममिम ल्‍वा किब्‍दी साखामचो़ फेलिक्‍सकु ल्‍वाड्‌डा ग्‍वाम्‍डी।

थु़र्मा 21:18

उ दिकाम नेम पावलनुङ गुकु याकूबकाडा लक्‍तोको। मेसिन्‍डा खोत्‍ले एल्‍डरमिम खोम्‍सिम्‍डिम बाइडा।

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

थु़र्मा 23:23

मेकोतिमा मे कमाण्‍डरका कप्‍तानमिमगोडाम नलेलाई येड्‌डु़ची मा आरे बु़डु़ची, “आनेप सिन्‍था गु (९) जेमिम थारीका न सङ (२००) सिपाहीमिम, येत धु़म (७०) घोडाडला हुपा सिपाहीमिम मा नक सङ जाते जेट्‌पा सिपाहीमिमलाई कैसरियाथो़ लमु रेट्‌जो़ल्‍ची।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 22:30

कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।