थु़र्मा 24:10 - थुलुङ राई

¹⁰ किब्‍दी साखामचो़ फेलिक्‍सका गुलाई ल्‍वा थो़त्तो जेबेड्‌डु़ मा पावलका र्‍वाक्‍ता, “हापा थ आथाम गानी यहूदीमिमकु निया बेपा दु़म्‍निम ल्‍वा थो़उतोमका गो गेर्सिक्‍तो आमा दुथाममिम ल्‍वा र्‍वाङु,

थु़र्मा 24:10 Referans Kwoze

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

थु़र्मा 26:1

हप अग्रिपासका पावलनुङ र्‍वाक्‍ता, “गाना इमा त्‍वाकु दुथाममिम ल्‍वा जेमु चाम्‍ना।” मेकोतिमा उमा ल्‍वा कोस्‍तु़मा पावल जेमु चो़म्‍डु़:

थु़र्मा 23:24

पावलकाम लागि वो घोडा रेची, मा गुलाई जो़होमका किब्‍दी साखामचो़ फेलिक्‍सकाडा रेथिक्‍ची।”

थु़र्मा 21:40

कमाण्‍डरका पावललाई जेमु ग्‍वाक्‍तु़मका, देम्‍कुलीडा येम्‍स्‍तामा उ ल्‍वा थो़त्तो मे सेर्पा मु़चु़मिमलाई लिबा बाबेड्‌डु़मी। मु़चु़मिम लिबा बाम्‍डिम चङडा गुका मेर्मिमनुङ हिब्रू ल्‍वालाम आरे र्‍वाक्‍ता,

थु़र्मा 19:33

मे यहूदीमिमका अलेक्‍जेन्‍डर र्‍वाक्‍मालाई खोत्‍ले मु़चु़मिमकु ङादोनो येम्‍सिबेट्‌मिडी। मेकोतिमा मेर्मिमगोडाम कोङ-कोङका हाम-हुम सो़नी र्‍वाक्‍साका गुनुङ र्‍वाम्‍डी। अलेक्‍जेन्‍डरका उ ल्‍वा थो़त्तो मे मु़चु़मिमनुङ हाम-हुम सो़मु माल्‍लु़।

थु़र्मा 18:15

लावो सिजेममिम, नङमिम नुङ इनीमा त्‍वाकु डु़म्‍लाकु दुथाममिम ङा ल्‍वा लुक्‍तामका गानी इनी त्‍वाका ङा हाम बोनी लोवो बेनी। ओराम ल्‍वाडा गो हाम वो मेबेउ।”

थु़र्मा 13:16

मेकोतिमा पावल येम्‍स्‍तामा उ ल्‍वा थो़त्तो र्‍वाक्‍ता, “ए इस्राएलडाम मु़चु़ नुङ माम्‍चु़नीकु ङिम जु़ल्‍पानी, थो़नी,

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

लूका 18:2

“कोले शहरडा माम्‍चु़नीकु ङिम मेजु़ल्‍पा, मा मु़चु़मिमथो़ न मेसोक्‍पा निया बेपा मु़चु़ बाइडा।

लूका 12:14

लावो येशूका मेराम मु़चु़लाई र्‍वाम्‍डी, “ङोप्‍सो़, मेम्‍साका निया बेपा, मा मुलु़ बेप्‍साक्‍पा सु़का गोलाई थुट्‌ङिडिम बु मा?”

लूका 12:11

“मु़चु़मिमका गानीलाई चु़म्‍नीमा घ्रो़म्‍दीनेमबाडे साखामचो़मिम नुङ किब्‍दी साखामचो़मिमकामबाडे हिलाहिसी बेप्‍डा रेनिमी, मेकोतिलो गो हाम र्‍वामु, हाम सो़मु र्‍वाक्‍साका मिम्‍ताम-सो़र्ताम मेबेनी,