थु़र्मा 23:6 - थुलुङ राई

⁶ लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

थु़र्मा 23:6 Referans Kwoze

थु़र्मा 24:21

लावो ओर्मिमकु ङादोडा येम्‍सिङ्‌डोमा कोले ल्‍वा र्‍वाङ्‌डोम बाइडा। मेराम, ‘मु़चु़मिम सिमुलामका बम्‍गेट्‌मी र्‍वाक्‍पा ल्‍वाडा गो थो़र लु़ङुमिमका इनीमा ङादोडा हिलाहिसी बेप्‍डा रेट्‌ङिडिमिम बु’।”

थु़र्मा 24:15

मेर्मिमका जो़पा खारी बेपा नुङ मेजो़पा खारी बेपा मु़चु़मिम खोत्‍ले सिमिमा बमी र्‍वाक्‍साका माम्‍चु़नीडा लम्‍थाट्‌मिमिम होम्‍साका ङा गो वो लथाक्‍पुमिम बु।

फिलिप्‍पी 3:5

गो लेतलेम नेमकाम बाङडोलो आमा कोक्‍ते खिरिरि क्रिप्‍सी दु़स्‍ताम। गो इस्राएलीमिमगोडाम बेन्‍यामिन दोचो़लाममिम। गो आच्‍छाङाम हिब्रू, हेङालोने आमा मामपाप हिब्रू सो़। डु़म्‍लाकु दुथाम र्‍वाकी माला गो मेरामडा जो़मका दोपा कोले फरिसी,

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

मत्ती 22:23

मेनेमङा सदुकीमिम येशूकाडा रोम्‍डी। मु़चु़ सिमुलाम बगे र्‍वाक्‍साका मेर्मिम थो़र मेलु़म्‍थाल्‍मिवा। मेर्मिमका हिलाबेम्‍डी,

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

मत्ती 3:7

फरिसीमिम नुङ सदुकीमिमगोडाम हापा मु़चु़मिम वो यूहन्‍नाकाडा कु-रु़दु़म रप्‍डा रोम्‍डिम ल्‍वास्‍तु़। मेम्‍मा यूहन्‍नाका मेर्मिमलाई बु़डु़मी, “लु-फेले बेपा ब्‍लो होप्‍माम मु़चु़नी, माम्‍चु़नीका बोमु खाप्‍मिमिम नियालामका वाङ दु़म्‍मु कोङनिमका गानीलाई ङिमसान्‍मु मेचाम्‍नी।

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

थु़र्मा 22:30

कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।

थु़र्मा 23:1

पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”

थु़र्मा 23:7

पावलका आरे र्‍वाक्‍ताम थो़म्‍डिमा फरिसीमिम नुङ सदुकीमिम उनी त्‍वाप-त्‍वापडा ङा गो फ दु़म्‍मिडिमा फ्‍वासिम्‍डी।

थु़र्मा 23:15

मेम्‍मिमका डोक्‍पु घ्रो़म्‍दी नुङ गानी दु़म्‍साका कमाण्‍डरकाडा लनी। मेम्‍मा मेराम रिबुसी ल्‍वाकु दुथाममिम मुलु़ आथावो जो़होमका बोमु बासी र्‍वाक्‍पा लिन्‍सिट्‌नीमा पावललाई घ्रो़म्‍दीडा रेट्‌नी। पावल घ्रो़म्‍दीगोडा रोक्‍तो ङा बु़लो गुकु सेन्‍कु।”

थु़र्मा 23:20

मेकोतिमा मेरामका र्‍वाक्‍ता, “यहूदीमिमका पावलकु दुथाम ल्‍वा आथावो जो़होमका हिलाहिसी बेपा लिसिसाका दिका पावललाई डोक्‍पु घ्रो़म्‍दीडा रेट्‌नी र्‍वाक्‍साका गानीनुङ र्‍वामु मुलु़ बेम्‍डिम बु।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

हिब्रू 6:19

मेराम हाम-हुम ल्‍वापा नकाङा गुइलाई झेथाक्‍सा मा मेराम थो़रलु़इमिम नुङ भाल-आथो़ मेदु़म्‍पा बु। हाम-हुम ल्‍वापा ओराम नका रिपा-येगोनोम माम्‍चु़नीकु बाखोपगोनो लक्‍सा।