थु़र्मा 23:11 - थुलुङ राई

¹¹ मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 23:11 Referans Kwoze

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 18:9

कोङ सिन्‍था मिक्‍सीलामडा पावललाई ङाचो़ येशूका र्‍वाम्‍डी, “मेङिसा, जेत्तो लक्‍सा, मा लिबा मेबाया,

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

मत्ती 14:27

मेकोतिलोङा येशूका मेर्मिमलाई र्‍वाम्‍डी, “इनी लो़ मेदाम्‍नु़, मेङिनी, गो सो़।”

फिलिप्‍पी 1:13

ओगानेमकु खोत्‍ले सिपाहीमिम नुङ खोत्‍ले मु़चु़मिमकाडा वो ख्रीष्‍टकाम लागि गोलाई चङडिमिम र्‍वाक्‍पा छ्‌याङलो-छ्‌याङलो दु़स्‍ताम बु।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

थु़र्मा 22:18

मेकोतिलो गुमीका गोनुङ आरे र्‍वाक्‍तोङा बेम्‍डिम ल्‍वाउतो, ‘दाला बासामा यरूशलेमलामका लुक्‍ल्‍याडा, हेङालोने गाना मेर्मिमनुङ सो़नामिम आमा दुथाममिम ल्‍वा मेर्मिमका मेथो़मी।’

थु़र्मा 20:22

“रेप्‍नी, माम्‍चु़नी-पेलका बट्‌ङिडिमिमका गो यरूशलेमथो़ लक्‍तोङा बेउ। मेसिन्‍डा गोलाई हाम दु़म गो मेचक्‍पु।

थु़र्मा 2:25

दाऊदका येशूकु दुथाम आरे र्‍वाक्‍ताम बु, ‘माम्‍चु़नीलाई हेल्‍लो लोवो आमा ङादोडा गो ल्‍वाउतोमी, हेङालोने गो आमा ङिमुका मेरुङिनु़ र्‍वाक्‍साका गुमी आमा जो़पलाम बुमी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

यूहन्‍ना 14:18

“गो गानीलाई रेचो़कुपा होङ्‍ङा मेपार्जो़ल्‍निनी। गो इनीमाडा योङु।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

थु़र्मा 22:15

हेङालोने उनीमा दुथाम गाना हाम ल्‍वान्‍नाम, थो़न्‍नाम बु, मेर्मिम खोत्‍ले मु़चु़मिमकु ङादोडा गाना सो़पा दु़म्‍ना।

१ कोरिन्थी 9:1

हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?