थु़र्मा 23:1 - थुलुङ राई

¹ पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”

थु़र्मा 23:1 Referans Kwoze

थु़र्मा 24:16

मेम्‍मिमका मु़चु़ नुङ माम्‍चु़नीकु ङादोडा हेल्‍लो लोवो आमा त्‍वाकु चाप्‍सी गो जो़पा न-गो जु़लु।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

हिब्रू 13:18

आकीमा लागि सो़म्‍दी बेसाट्‌की। आकीमा मिम्‍सीडा गुकु जो़पा बुकु र्‍वाक्‍साका थो़रलु़त्तोकोम बु। हेङालोने हेल्‍लो लोवो गुकु जो़पा खारी बेपा न बोकु।

१ कोरिन्थी 4:4

गो हाम वो ख्‍लो़त्तोम मिबु होङङा लु़ङु, लावो गो आच्‍छाङा मुमा बेन्‍ला सो़सिङडोम मिबु र्‍वामु मालुमिम ने मेएँ। आमा निया बेपा ने ङाचो़ बुमी।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

थु़र्मा 22:30

कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।

थु़र्मा 6:15

मेकोतिलो मे डोक्‍पु घ्रो़म्‍दीडा बाट्‌पा खोत्‍लेका स्‍तिफनसलाई रेप्‍मिडिम-रेप्‍मिडिम ङा बेम्‍डी, मा स्‍तिफनसकु ङाली पाह्रीचो़कु ङाली होप्‍माम ङा ल्‍वाम्‍डी।

थु़र्मा 22:1

“माम-पाप, वा-ल्‍वाकनी, ओम्‍लो गो इनीमा ङादोडा आमा दुथाममिम ल्‍वा जेङुमिम थो़नी।”

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

थु़र्मा 23:15

मेम्‍मिमका डोक्‍पु घ्रो़म्‍दी नुङ गानी दु़म्‍साका कमाण्‍डरकाडा लनी। मेम्‍मा मेराम रिबुसी ल्‍वाकु दुथाममिम मुलु़ आथावो जो़होमका बोमु बासी र्‍वाक्‍पा लिन्‍सिट्‌नीमा पावललाई घ्रो़म्‍दीडा रेट्‌नी। पावल घ्रो़म्‍दीगोडा रोक्‍तो ङा बु़लो गुकु सेन्‍कु।”

थु़र्मा 23:20

मेकोतिमा मेरामका र्‍वाक्‍ता, “यहूदीमिमका पावलकु दुथाम ल्‍वा आथावो जो़होमका हिलाहिसी बेपा लिसिसाका दिका पावललाई डोक्‍पु घ्रो़म्‍दीडा रेट्‌नी र्‍वाक्‍साका गानीनुङ र्‍वामु मुलु़ बेम्‍डिम बु।

थु़र्मा 23:28

यहूदीमिमका हेप्‍माम मेजो़पा मुमा ओरामलाई बेट्‌मिडिम रेछा र्‍वाक्‍पा जो़होमका थेसिथेन्‍मु नका गो ओरामलाई मेर्मिमकु डोक्‍पु घ्रो़म्‍दीकु ङादोडा लक्‍तो।