थु़र्मा 22:5 - थुलुङ राई

⁵ डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 22:5 Referans Kwoze

लूका 22:66

नेम सोङडामा मु़चु़मिमकु ङाउमिम र्‍वाक्‍मा ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिम कोदेप खोम्‍सिम्‍डिमा येशूलाई उनी डोक्‍पु घ्रो़म्‍दीडा रेट्‌मिडी।

थु़र्मा 5:21

ओराम थो़म्‍डिमा मेर्मिम नेमसोसोका ङा सो़रनेमगोनो हुम्‍डी, मा सीमु चो़म्‍मिडी। डोक्‍पु ङाउ डु़म्‍लाचो़ नुङ गुनुङ बाट्‌पामिम घ्रो़म्‍दीनेमडा रोम्‍डी, मा मेर्मिमका डोक्‍पु घ्रो़म्‍दी मेराम र्‍वाक्‍मा इस्राएलीमिमकु खोत्‍ले ङाउमिमकु घ्रो़म्‍दी येट्‌मिडी, मा मे थु़र्मामिमलाई झ्‍यालखानलामका रेन्‍मु र्‍वाक्‍साका मु़चु़मिम थु़र्मिडी।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

थु़र्मा 28:21

मेकोतिमा मेर्मिमका पावलनुङ र्‍वाम्‍डी, “गुकु ने इनीमा दुथाम यहूदियालामका कोले वो सेलाखाजेम डोर्तोकोम मिबु। इनीमा कोर्थो़लाम मेजो़पा ल्‍वा मेलाम रोक्‍पा सु़का वो आसिन्‍डा र्‍वाम्‍डिम, जेम्‍डिम मिबु।

थु़र्मा 26:12

“कोलेम गो डोक्‍पु डु़म्‍लाचो़मिमलाम साखाम नुङ सेलाखाजेम ल्‍वाउतोमा दमस्‍कस शहरथो़ लङडोलो,

थु़र्मा 26:10

यरूशलेमडा गो मेम ङा बेउतो। डोक्‍पु डु़म्‍लाचो़मिमलामका साखाम ल्‍वासाका थो़रलु़पामिम हापालाई गो झ्‍यालखानडा चक्‍तोमी। मेर्मिमलाई सेट्‌मिडिलो गो वो मे सेट्‌पामिमलाम बाङसिङडो।

थु़र्मा 22:1

“माम-पाप, वा-ल्‍वाकनी, ओम्‍लो गो इनीमा ङादोडा आमा दुथाममिम ल्‍वा जेङुमिम थो़नी।”

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 9:14

आसिन्‍डा वो ओरामका इनीमा नङ रपा खोत्‍लेलाई बन्‍मु साखाम ङाउ डु़म्‍लाचो़मिमलाम ल्‍वास्‍तु़म बु।”

थु़र्मा 4:5

उ दिकाम नेम यहूदीमिमकु साखामचो़मिम, ङाउमिम नुङ उनी डु़म्‍ला सीपा पातु़म्‍रीमिम यरूशलेमडा खोम्‍सिम्‍डिम बाइडा।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 2:29

“वा-ल्‍वाकनी, इकी ङाउ-खुउ दाऊदकु दुथाम गो मेङिसाका गानीनुङ र्‍वाङु, गु सिडामा क्‍लु़म्‍मिडी, मा उ सु़लु़म ओम्‍लो वो आसिङा बु।

थु़र्मा 3:17

“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।

थु़र्मा 23:1

पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 28:17

सुलेम चङडा पावलका मेसिन्‍डाम यहूदीमिमकु ङाचो़मिमलाई येड्‌डु़मी। मेर्मिम खोम्‍सिम्‍डिमा गुका मेर्मिमनुङ र्‍वाक्‍ता, “वा-ल्‍वाकनी, गो ने त्‍वाकु मु़चु़मिम नुङ त्‍वाकु ङाउमिमका बेम्‍खेम्‍डिम डु़म्‍लाकु कोर्थो़लाम ने हाम वो बेउतोम मेबायावा। लावो यरूशलेमडा बट्‌ङिडिमी मा रोमीमिमकु ल्‍वाड्‌डा गोलाई ग्‍वाङ्‌डिमिम बु।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।