Biblia Todo Logo
Bib sou entènèt

- Piblisite -




थु़र्मा 22:30 - थुलुङ राई

30 कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।

Gade chapit la Kopi




थु़र्मा 22:30
13 Referans Kwoze  

यहूदीमिमका हेप्‍माम मेजो़पा मुमा ओरामलाई बेट्‌मिडिम रेछा र्‍वाक्‍पा जो़होमका थेसिथेन्‍मु नका गो ओरामलाई मेर्मिमकु डोक्‍पु घ्रो़म्‍दीकु ङादोडा लक्‍तो।


उ फार्डा रोक्‍तामा मे कमाण्‍डरका पावललाई चु़म्‍डु़, मा नले सेल रिवाका बन्‍बेड्‌डु़मी। मेकोतिमा मे सेर्पा मु़चु़मिमलाई गुका, “सु़ ओराम, मा ओरामका हाम बु़डु़?” र्‍वाक्‍तामा हिलाबु़डु़मी।


पावलका र्‍वाक्‍ता, “कति दु़पा दु़म्‍नु़का हापा दु़पा ल्‍वाका दु़म्‍नु़ गानी कोङङा मेएँ, आनेप आमा ल्‍वा थो़पा खोत्‍ले ङा गो होप्‍माङा दु़म्‍मिनु़, लावो गो होम्‍साका सेल रिवाका बन्‍सिसाका ने मेएँ र्‍वाक्‍साका गो माम्‍चु़नीडा सो़म्‍दी बेउ।”


मेम्‍मिमका डोक्‍पु घ्रो़म्‍दी नुङ गानी दु़म्‍साका कमाण्‍डरकाडा लनी। मेम्‍मा मेराम रिबुसी ल्‍वाकु दुथाममिम मुलु़ आथावो जो़होमका बोमु बासी र्‍वाक्‍पा लिन्‍सिट्‌नीमा पावललाई घ्रो़म्‍दीडा रेट्‌नी। पावल घ्रो़म्‍दीगोडा रोक्‍तो ङा बु़लो गुकु सेन्‍कु।”


डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।


अगाबस आकीमाडा रोक्‍तामा पावलकु थ्‍वाक्‍पुरी रसाका अगाबसका उ त्‍वाकु ल्‍वा-खेल बड्‌डु़मा र्‍वाक्‍ता, “माम्‍चु़नी-पेलका आरे र्‍वामी ‘ओराम थ्‍वाक्‍पुरीकु मु़चु़लाई यरूशलेमडा यहूदीमिमका आरेसाकाङा बन्‍मिमा वाङसामामिमकु ल्‍वाड्‌डा ग्‍वामी’।”


ओराम थो़म्‍डिमा मेर्मिम नेमसोसोका ङा सो़रनेमगोनो हुम्‍डी, मा सीमु चो़म्‍मिडी। डोक्‍पु ङाउ डु़म्‍लाचो़ नुङ गुनुङ बाट्‌पामिम घ्रो़म्‍दीनेमडा रोम्‍डी, मा मेर्मिमका डोक्‍पु घ्रो़म्‍दी मेराम र्‍वाक्‍मा इस्राएलीमिमकु खोत्‍ले ङाउमिमकु घ्रो़म्‍दी येट्‌मिडी, मा मे थु़र्मामिमलाई झ्‍यालखानलामका रेन्‍मु र्‍वाक्‍साका मु़चु़मिम थु़र्मिडी।


मेम्‍मा मेर्मिमका गुमीलाई बसाका लम्‍डिमा रोमी किब्‍दी साखामचो़ पिलातसलाई ग्‍वाम्‍डी।


मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।


लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।


पावलका मे डोक्‍पु घ्रो़म्‍दीथो़ किकिर्या रेप्‍डु़मा र्‍वाक्‍ता, “वा-ल्‍वाकनी, आनेपसम्‍म गो माम्‍चु़नीकु ङादोडा खोत्‍ले ल्‍वाडा जो़पा न-गोका ङा गो उनीमा खारी बेउतोम बु।”


लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”


मेकोतिमा मेरामका र्‍वाक्‍ता, “यहूदीमिमका पावलकु दुथाम ल्‍वा आथावो जो़होमका हिलाहिसी बेपा लिसिसाका दिका पावललाई डोक्‍पु घ्रो़म्‍दीडा रेट्‌नी र्‍वाक्‍साका गानीनुङ र्‍वामु मुलु़ बेम्‍डिम बु।


Swiv nou:

Piblisite


Piblisite