थु़र्मा 22:3 - थुलुङ राई

³ पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

थु़र्मा 22:3 Referans Kwoze

थु़र्मा 26:5

मेर्मिमका गो फरिसी बाङ्‌डो र्‍वाक्‍पा ल्‍वा माके आथामङा चम्‍डिम बु। गुकु फरिसीका यहूदी डु़म्‍ला छो़म चङको-चङको बासिक्‍साका बोकु। मेर्मिमका न सोम्‍डी माला ओराम ल्‍वाकु दुथाम गानीनुङ सो़मु चाम्‍मी।

थु़र्मा 9:11

ङाचो़का हननियानुङ र्‍वाम्‍डी, “बका, मा ‘सीधा’ र्‍वाक्‍मा लाम्‍दीथो़ लक्‍सा। मेसिन्‍डा यहूदाकु नेमडा टार्सस शहरलाम रोक्‍पा शाऊललाई माला। मेसिन्‍डा गुका सो़म्‍दी बु़होम बु।

थु़र्मा 5:34

लावो यहूदीमिमकु डु़म्‍ला सीपा नुङ मु़चु़मिमका डोक्‍पु मिम्‍थाल्‍मिडिम गमलिएल र्‍वाक्‍मा फरिसीका डोक्‍पु घ्रो़म्‍दीडा येम्‍स्‍तामा थु़र्मामिमलाई घरिकोङ पाखानो थु़र्नी बु़डु़मी।

थु़र्मा 21:39

पावलका र्‍वाक्‍ता, “गो किलिकियाकु डोक्‍पु शहर टार्ससडाम नागरिक यहूदी सो़। गो गानीनुङ र्‍वाङु, ओर्मिम मु़चु़मिमनुङ कोले-नले ल्‍वा जेमु ग्‍वाङ्‌नी।”

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

लूका 10:39

मेराम मेसेमकाम कोले मरियम नङकाम उ जाउमो ल्‍वाक बाइडा। मेरामका येशूकु फार्डा गन्‍स्‍तामा उनी सिजेम थो़त्तोङा बु़डु़।

रोमी 11:1

मेम्मिमका गो हिलाबेउ, हाम माम्‍चु़नीका इस्राएलीमिमलाई ङेट्‌मिडी? हेल्‍लो वो मेएँ, हेङालोने गो आ त्‍वाप वो अब्राहामकु चो़-चु़सु़ बेन्‍यामीनकु दोचो़गोडा गङ्‍डोम कोङ इस्राएली सो़।

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

गलाती 1:21

मेकोतिमा गो सिरिया नुङ किलिकिया इलाकाथो़ लङ्‌डो।

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।

थु़र्मा 23:34

गुका सेलाखाजेम डाड्‌डु़मा पावल उहेम जिल्‍लाडाम र्‍वाक्‍साका हिलाबु़डु़। गु किलिकियाडाम र्‍वाक्‍पा थो़स्‍तु़मा गुका र्‍वाक्‍ता,

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 11:25

मेकोतिमा शाऊललाई माल्‍मु लागि बारनाबास टार्सस शहरथो़ लस्‍ता।

थु़र्मा 9:30

ओराम चम्‍डिमा थो़रलु़पामिमका शाऊललाई कैसरियाडा रेट्‌मिडी, मा गुलाई मेलामका टार्सस शहरडा थु़र्सोम्‍डी।

लूका 8:35

मेम्‍मा मेसिन्‍डा हाम दु़स्‍ताम बाइडा मेराम रेप्‍डा मु़चु़मिम येशूकाडा रोम्‍डी। मेकोतिलो मेसिन्‍डा मुनाङपेलका हुप्‍डु़म मु़चु़ जो़होमका सस्‍ताम बाइडा। गु उ ननुङमा दु़म्‍साका मेरामका ये फस्‍तामा येशूकु खेल फार्डा गन्‍तासिट्‍डाम ल्‍वाम्‍डी, मा मेर्मिम ङिम्‍डी।

लूका 2:46

सुलेम चङडा मेर्चिपका येशूलाई सो़रनेमडा यहूदीमिमकु डु़म्‍ला सीपा मु़चु़मिमकु थेतेडा गन्‍तासिट्‌मिडिमा मेर्मिमकु ल्‍वा थो़त्तो मेर्मिमनुङ हिलाहिसी बेत्तोङा लेट्‌मिडिम माम नुङ पापका डार्ची।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,

थु़र्मा 26:9

“नासरतडाम येशूडा थो़रलु़पामिमलाई छो़म उनीमा थो़मतेर्सामुमिबासी र्‍वाक्‍पा गो वो मिम्‍तोम बाइडा।