थु़र्मा 22:25 - थुलुङ राई

²⁵ मेकोतिमा मेर्मिमका पावललाई कोक्‍तेकु रिवाका बट्‌मिडी। मेकोतिलो उमा फार्डा ङा येम्‍तासिट्‌पा कप्‍ताननुङ पावलका र्‍वाक्‍ता, “हाम कोङ रोमी नागरिकलाई ङादो अदालतडा मुमा मेबेसाका ङा याल्‍मु रोमी डु़म्‍लाडा बु?”

थु़र्मा 22:25 Referans Kwoze

थु़र्मा 16:37

लावो पावलका सिपाहीमिमनुङ र्‍वाक्‍ता, “गुचुकु रोमीकाम नागरिक बात्तो-बात्तो वो खोत्‍ले मु़चु़मिमकु ङादोडा हिलाहिसी मेबेसाका ङा मेर्मिमका याल्‍चिकिमिमा चक्‍चिकिमी। मेकोतिमा आकोतिलो ने गुचुकुलाई लिबावा डिन्‍सोमु न बोमी? मेमका ने मेनु़। मेर्मिम उनी त्‍वाप ङा रोमिनु़, मा गुचुकुलाई डिन्‍चिकिमिनु़।”

थु़र्मा 25:16

लावो गो मेर्मिमलाई मेजो़पा ल्‍वामिम बुइडला उन्‍ला सो़सिक्‍पाका उ कोर्थो़लाम बक्‍पामिमनुङ सि मेकोल्‍थु़म नुङ उ कोर्थो़लाम बक्‍पामिमकु दुथाम जेमेबेथु़म उहेम वो मु़चु़लाई मेडेङा देन्‍दे ग्‍वामु रोमी डु़म्‍लाडा मिबु बेउतोमिम बाइडा।

थु़र्मा 27:43

लावो कप्‍तानका पावललाई बोमु-थार्मु न बु़डु़मका सिपाहीमिमलाई मेम बोमुडाम भोप्‍डु़मी। मेकोतिमा वाकु बोमु थेट्‌पा-थेट्‌पा ङादोङा डोक्‍पु कुबी-बोक्‍सालामका प्रोक्‍निमा पाखानो लुक्‍नी बु़डु़मी।

थु़र्मा 23:17

मेकोतिमा पावलका कप्‍तानमिमगोडाम कोलेलाई येड्‌डु़मा र्‍वाक्‍ता, “ओराम स्‍वालालाई इनीमा कमाण्‍डरकाडा सोन्‍थिट्‌नी, हेङालोने ओरामका गुमीनुङ कोसि-नक्‍सि जेमु बासिक्‍पा बु।”

थु़र्मा 27:3

उ दिकाम गुकु सीदोन शहरडा लुक्‍तोको। युलियसका पावलडला न-थो़म रेम्‍बु़डु़मा पावल उ ङोप्‍सो़मिमकाडा थु़र्साका चाहेदु़म्‍पा ल्‍वामिम ख्‍लो़ला सो़सा बु़डु़।

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 10:1

कैसरिया शहरडा कर्नेलियस नङकाम कोले मु़चु़ बाइडा। गु इटालिया र्‍वाक्‍मा पल्‍टनडाम कोङ कप्‍तान बाइडा।

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 8:8

लावो कप्‍तानका र्‍वाक्‍ता, “ङाचो़, गानीलाई आमा नेमडा येन्‍मु घ्रेटपा गो मेबुङु। गानी जेनी कोङङा आमा डु़ल्‍चो़ स।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

थु़र्मा 22:26

कप्‍तानका ओराम थो़स्‍तु़मा उनी कमाण्‍डरकाडा लस्‍तामा आरे र्‍वाक्‍ता, “गानी हाम बोमु खाम्‍निमिम? ओराम ने रोमी नागरिक रेछा!”

थु़र्मा 23:27

पावल र्‍वाक्‍मा मु़चु़लाई यहूदीमिमका चु़म्‍मिडी, मा सेन्‍मु माल्‍मिडिम बाइडा। लावो ओराम रोमी नागरिक र्‍वाक्‍पा गो थो़उतोमा सिपाहीमिमनुङ मेसिन्‍डा लक्‍साका ओरामलाई मेर्मिमलाम फ्‍वाक्‍साका गो बोत्तो-थार्तो।