थु़र्मा 22:24 - थुलुङ राई

²⁴ कमाण्‍डरका र्‍वाक्‍ता, “पावललाई ब्‍यारेकगोनो रेट्‌नी, मा हेङा मेरामकु कोर्थो़लाम मेर्मिम येमिमिम बुमी, मेराम थेसिथेन्‍मु कोक्‍तेकु रिवाका याल्‍तो हिलाबेनी।”

थु़र्मा 22:24 Referans Kwoze

थु़र्मा 23:10

मेसिन्‍डा सदुकीमिम नुङ फरिसीमिमगोडा छो़म डोक्‍पु रिबुसी गस्‍ता, मा मेर्मिमका पावललाई रोबोमिलो सेन्‍मी र्‍वाक्‍साका मे कमाण्‍डर छो़म ङिस्‍ता। मेकोतिमा मेरामका सिपाहीमिमलाई मेर्मिमकु थेतेलामका रो़न्‍थु़ट्‌निमा पावललाई ब्‍यारेकडा रेट्‌नी बु़सोड्‌डु़मी।

थु़र्मा 21:34

लावो मे सेर्पा मु़चु़मिमगोडाम याङका कोले ल्‍वा, याङका वाङमी ङा ल्‍वा र्‍वाम्‍डिमा येम्‍डी। मेम्‍मा मेर्मिम येम्‍डिमका गुका हाम वो ल्‍वा थेसिथेन्‍मु मेचाप्‍सु़वा। मेकोतिमा पावललाई सेनामिमकु ब्‍यारेकडा लनी बु़डु़मी।

यूहन्‍ना 19:1

मेकोतिमा पिलातसका येशूलाई कोक्‍तेकु याल्‍खोपका याल्‍बेड्‌डु़मी।

हिब्रू 11:35

थो़रकाङा मेसेममिमका सिपा उनी मु़चु़मिम सिमुलाम बग्‍गेट्‌मिडिम डार्मिडी। वाङमिमका ने सिमुलाम बग्‍गेसाका मेरामडाम जो़पा त्‍वारो़म ल्‍वामु लागि थो़म्‍बोक बिपा दु़खा इम्‍मिडी मा वाङ दु़म्‍मु मेबिम्‍सिप्‍मिवा।

थु़र्मा 23:27

पावल र्‍वाक्‍मा मु़चु़लाई यहूदीमिमका चु़म्‍मिडी, मा सेन्‍मु माल्‍मिडिम बाइडा। लावो ओराम रोमी नागरिक र्‍वाक्‍पा गो थो़उतोमा सिपाहीमिमनुङ मेसिन्‍डा लक्‍साका ओरामलाई मेर्मिमलाम फ्‍वाक्‍साका गो बोत्तो-थार्तो।

थु़र्मा 16:37

लावो पावलका सिपाहीमिमनुङ र्‍वाक्‍ता, “गुचुकु रोमीकाम नागरिक बात्तो-बात्तो वो खोत्‍ले मु़चु़मिमकु ङादोडा हिलाहिसी मेबेसाका ङा मेर्मिमका याल्‍चिकिमिमा चक्‍चिकिमी। मेकोतिमा आकोतिलो ने गुचुकुलाई लिबावा डिन्‍सोमु न बोमी? मेमका ने मेनु़। मेर्मिम उनी त्‍वाप ङा रोमिनु़, मा गुचुकुलाई डिन्‍चिकिमिनु़।”

थु़र्मा 21:37

सेनामिमकु ब्‍यारेकडा रेन्‍थिमु खाप्‍मिडिलो पावलका मे कमाण्‍डरनुङ र्‍वाक्‍ता, “ङाचो़, गो कोले-नले ल्‍वा गानीनुङ जेमु चापु?” गुका र्‍वाक्‍ता, “हाम गाना ग्रीक ल्‍वा जेमु थेना?

थु़र्मा 28:18

रोमीमिमका गोलाई हिलाहिसी बेङ्‌डिमी, मा सेन्‍मुका घ्रेट्‌पा ल्‍वा हाम वो मेडार्मिवामका गोलाई डिन्‍सोमु न बेम्‍डिम बाइडा।