थु़र्मा 22:19 - थुलुङ राई

¹⁹ “मेकोतिमा गो गुमीनुङ र्‍वाङडो, ‘ङाचो़, गो घ्रो़म्‍दीनेम-नेमडा लङडोमा गानीडा थो़र लु़पामिमलाई झ्‍यालखानडा चक्‍तोमिम, मा याल्‍तोमिम ल्‍वा ओर्मिम खोत्‍लेका चमिमिम ङा बु।

थु़र्मा 22:19 Referans Kwoze

थु़र्मा 22:4

गो ओराम लाम्‍दीडा लाम्‍दिपा मु़चु़मिमलाई उनी सिमुथारीसम्‍म थो़मतेर्साक्‍तोमी। मेकोतिमा वोस्‍चो़-मेसेममिमलाई बसाका झ्‍यालखानडा चक्‍थाल्‍तोमी।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,