थु़र्मा 21:8 - थुलुङ राई

⁸ उ दिकाम नेम मेलामका ब्‍र्‍वासिक्‍तोकोमा कैसरिया शहरडा रोक्‍तोको, मा जो़पा-सेला थो़बेट्‌पा फिलिपकु नेमडा लक्‍तोको। गु यरूशलेमडा माम्‍चु़नीकु सो़रलोले बेपा थुट्‌मीडिम येतलेमिमगोडाम कोले बाइडा, मा गुकु मेराम नुङङा बात्तोको।

थु़र्मा 21:8 Referans Kwoze

थु़र्मा 6:5

ओराम ल्‍वा खोत्‍लेकु नडा लस्‍ता, मा मेसिन्‍डा खोम्‍सिट्‌पा खोत्‍लेङा बिम्‍सिम्‍डी। मेम्‍मा माम्‍चु़नी-पेलका लु़न्‍सिपा नुङ खोत्‍लेका थो़रलु़म्‍डिम स्‍तिफनस, फिलिप, प्रखरस, निकनोर, तीमोन, पर्मिनास नुङ एन्‍टिओखियाडाम चङ्‌डा यहूदी दु़म्‍पा निकोलाउसलाई मेर्मिमका छेट्‌मिडी।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

थु़र्मा 28:16

गुकु रोमडा रोक्‍तोको, मा पावललाई उ त्‍वाप ङा बुमु ग्‍वाम्‍डी। लावो कोले सिपाहीका गुलाई रेप्‍थाल्‍लु़।

थु़र्मा 16:13

ङेम्‍सिमुनेम गुकु ब्‍लोकुथो़ लक्‍पा शहरकु पाखालाममिम लाम्‍चोकोलाम लक्‍तोको। सो़म्‍दी बेखोप खोम बु र्‍वाक्‍पा मिम्‍सित्तोकोमा गुकु मेसिन्‍डा लक्‍तोको, मा मेसिन्‍डा खोम्‍सिक्‍पा मेसेममिमनुङ ल्‍वा जेमु चो़म्‍तोको।

थु़र्मा 16:10

पावलका ओराम मिक्‍सीलाम ल्‍वास्‍तु़म चङडा गुकु माकेडोनिया लक्‍पा मुलु़ बेथाक्‍तोको। मेसिन्‍डाम मु़चु़मिमलाई जो़पा-सेला थो़बेन्‍मु माम्‍चु़नीका गुकुलाई येत्तिकिम रेछा र्‍वाक्‍पा गुकु चक्‍तोको।

थु़र्मा 9:30

ओराम चम्‍डिमा थो़रलु़पामिमका शाऊललाई कैसरियाडा रेट्‌मिडी, मा गुलाई मेलामका टार्सस शहरडा थु़र्सोम्‍डी।

थु़र्मा 28:11

सु मुनाम चङडा गुकु अलेक्‍जेन्‍ड्रिया शहरलाम रोक्‍पा डोक्‍पु कुबी-बोक्‍साडा हुत्तोको। ओराम डोक्‍पु कुबी-बोक्‍सा जुनेमका ओराम टापुडा ङा बाइडा। डोक्‍पु कुबी-बोक्‍साकु ङादोगोनो निची नो़पकु ङाली जु़ल्‍मा बाइडा।

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 23:23

मेकोतिमा मे कमाण्‍डरका कप्‍तानमिमगोडाम नलेलाई येड्‌डु़ची मा आरे बु़डु़ची, “आनेप सिन्‍था गु (९) जेमिम थारीका न सङ (२००) सिपाहीमिम, येत धु़म (७०) घोडाडला हुपा सिपाहीमिम मा नक सङ जाते जेट्‌पा सिपाहीमिमलाई कैसरियाथो़ लमु रेट्‌जो़ल्‍ची।

थु़र्मा 20:13

पावलका लाम्‍दिसाका लमु चोचु़म्‍डु़म बाइडा, मा गुकु अस्‍सोस शहरलामका गुलाई डोक्‍पु कुबी-बोक्‍साडा हुबेट्‌पा मुलु़ बेत्तोकोम बाइडा। मेम्‍मिमका गुकु ङादो ङा डोक्‍पु कुबी-बोक्‍साडा हुत्तोकोमा अस्‍सोस शहरथो़ लक्‍तोको।

थु़र्मा 20:6

गुकु ने लङखाम मान्‍थिम सो़बेम पोमु चाडकु चङडा फिलिप्‍पीलामका डोक्‍पु कुबी-बोक्‍साडा हुत्तोकोमा ङोलेमका त्रोआस शहरडा मेर्मिमकाडा रोक्‍फात्तोको। मेसिन्‍डा गुकु येतलेम बात्तोको।

थु़र्मा 18:22

पावल कैसरियाडा रोक्‍फाड्‌डामा यरूशलेमथो़ लस्‍ता। मेम्‍मा मेसिन्‍डाम थो़रलु़पामिमनुङ सेव साबेम्‍डिमा गु एन्‍टिओखिया शहरथो़ लस्‍ता।

थु़र्मा 16:16

कोलेम गुकु सो़म्‍दी बेखोप खोमयु़ लक्‍तोकोलो मुनाङका हुपा कोले डु़ल्‍चो़मे डार्तोको। मेरामका मु़चु़मिमकु र्‍याङमा सो़साका उ नेमहपमिमकाम लागि छो़म खउलुङ डु़प्‍थाल्‍लु़।

थु़र्मा 10:1

कैसरिया शहरडा कर्नेलियस नङकाम कोले मु़चु़ बाइडा। गु इटालिया र्‍वाक्‍मा पल्‍टनडाम कोङ कप्‍तान बाइडा।

थु़र्मा 21:16

कैसरियाडाम कोले-नले थो़रलु़पामिम वो गुकुनुङङा लम्‍डी। मेकोतिमा मेर्मिमका गुकुलाई साइप्रस टापुडाम कोले माकेवाम थो़रलु़पा मनासोन र्‍वाक्‍मा मु़चु़कु नेमडा ख्‍लुक्‍तिकिमी, मा मेसिन्‍डा गुकु बात्तोको।