थु़र्मा 21:34 - थुलुङ राई

³⁴ लावो मे सेर्पा मु़चु़मिमगोडाम याङका कोले ल्‍वा, याङका वाङमी ङा ल्‍वा र्‍वाम्‍डिमा येम्‍डी। मेम्‍मा मेर्मिम येम्‍डिमका गुका हाम वो ल्‍वा थेसिथेन्‍मु मेचाप्‍सु़वा। मेकोतिमा पावललाई सेनामिमकु ब्‍यारेकडा लनी बु़डु़मी।

थु़र्मा 21:34 Referans Kwoze

थु़र्मा 23:10

मेसिन्‍डा सदुकीमिम नुङ फरिसीमिमगोडा छो़म डोक्‍पु रिबुसी गस्‍ता, मा मेर्मिमका पावललाई रोबोमिलो सेन्‍मी र्‍वाक्‍साका मे कमाण्‍डर छो़म ङिस्‍ता। मेकोतिमा मेरामका सिपाहीमिमलाई मेर्मिमकु थेतेलामका रो़न्‍थु़ट्‌निमा पावललाई ब्‍यारेकडा रेट्‌नी बु़सोड्‌डु़मी।

थु़र्मा 19:32

मेसिन्‍डा घ्रो़म्‍पा खोत्‍ले मु़चु़मिम छो़म येम्‍डी-दुम्‍डी, कोङनिम मु़चु़मिम कोले ल्‍वा सो़साका मा वाङमी मु़चु़मिम ने वाङमी ङा ल्‍वा सो़साका येम्‍डी। लावो मेसिन्‍डा रोक्‍पामिमगोडा हापाका ने हेङा खोम्‍सिम्‍डिम र्‍वाक्‍पा वो चम्‍डिम मेबायावा।

थु़र्मा 23:16

पावलकु रु़चु़का ओराम ल्‍वा थो़स्‍तु़मा ब्‍यारेकगोनो लक्‍साका पावललाई थो़बेड्‌डु़।

थु़र्मा 22:24

कमाण्‍डरका र्‍वाक्‍ता, “पावललाई ब्‍यारेकगोनो रेट्‌नी, मा हेङा मेरामकु कोर्थो़लाम मेर्मिम येमिमिम बुमी, मेराम थेसिथेन्‍मु कोक्‍तेकु रिवाका याल्‍तो हिलाबेनी।”

थु़र्मा 21:37

सेनामिमकु ब्‍यारेकडा रेन्‍थिमु खाप्‍मिडिलो पावलका मे कमाण्‍डरनुङ र्‍वाक्‍ता, “ङाचो़, गो कोले-नले ल्‍वा गानीनुङ जेमु चापु?” गुका र्‍वाक्‍ता, “हाम गाना ग्रीक ल्‍वा जेमु थेना?

थु़र्मा 22:30

कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।

थु़र्मा 25:26

ओरामकु दुथाम गो डोक्‍पु हपलाई र्‍यामु बासिक्‍पा ल्‍वा हाम वो मिबु। मेम्‍मिमका गो ओराम मु़चु़लाई हप अग्रिपास नुङ गानी खोत्‍लेकु ङादोडा रेत्तोम बु, मा गानी ओरामलाई हिलाहिसी बेनी। मेम्‍मा कोङनिम ल्‍वा लुक्‍ता माला गो हाम-हुम र्‍यामु चापु।

थु़र्मा 23:32

उ दिकाम नेम घोडाडला लक्‍पा सिपाहीमिमलाई पावलनुङ थु़र्सोम्‍डी, मा लाम्‍दिसाका लक्‍पा कप्‍तान नुङ वाङमी सिपाहीमिम ने यरूशलेम ख्‍लोम्‍सिम्‍डी।