थु़र्मा 21:33 - थुलुङ राई

³³ उ फार्डा रोक्‍तामा मे कमाण्‍डरका पावललाई चु़म्‍डु़, मा नले सेल रिवाका बन्‍बेड्‌डु़मी। मेकोतिमा मे सेर्पा मु़चु़मिमलाई गुका, “सु़ ओराम, मा ओरामका हाम बु़डु़?” र्‍वाक्‍तामा हिलाबु़डु़मी।

थु़र्मा 21:33 Referans Kwoze

एफिसी 6:20

मेराम जो़पा-सेला दो़मु लागि ङा गुमीका गोलाई थु़र्ङिडिमिम बु। सो़म्‍दी बेङसाङनी, गो झ्‍यालखानडा चसिक्‍पा बुङु लोवो गो जेमु बासिक्‍पा होम्‍साका मेङिसाका जेमु चापुनु़।

थु़र्मा 21:11

अगाबस आकीमाडा रोक्‍तामा पावलकु थ्‍वाक्‍पुरी रसाका अगाबसका उ त्‍वाकु ल्‍वा-खेल बड्‌डु़मा र्‍वाक्‍ता, “माम्‍चु़नी-पेलका आरे र्‍वामी ‘ओराम थ्‍वाक्‍पुरीकु मु़चु़लाई यरूशलेमडा यहूदीमिमका आरेसाकाङा बन्‍मिमा वाङसामामिमकु ल्‍वाड्‌डा ग्‍वामी’।”

थु़र्मा 20:23

आकोति कोङङा चक्‍पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्‍वाक्‍साका माम्‍चु़नी-पेलका आमा न छ्‌यामी।

थु़र्मा 12:6

हेरोदका पत्रुसलाई मु़चु़मिमकु ङादोडा रेन्‍मुनेमकु ङादोम नेम्‍था पत्रुस नले सिपाहीचिपकु थेतेडा अम्‍ल्‍याक्‍पा बाइडा। गुलाई नले सेल रिवाका बन्‍थाट्‌मा बाइडा। नले सिपाहीचिपका झ्‍यालखानकु लाम्‍चोकोडा लथाक्‍चिम बाइडा।

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

थु़र्मा 22:29

ओराम थो़म्‍डी मेडे पावललाई हिलाहिसी बेप्‍डा रोक्‍पामिम चङथो़ हेर्सिम्‍डी। मेकोतिमा पावल रोमी नागरिक र्‍वाक्‍पा चडु़मा मे कमाण्‍डर वो ङिस्‍ता, हेङालोने गुका पावललाई बन्‍बेड्‌डु़मिम बाइडा।

२ तिमोथी 2:9

ओराम जो़पा-सेलाकाम लागि गो दु़खा इम्‍तोङा लेट्‌पु, मा मेजो़पा खारी बेपा मु़चु़ होङ्‍ङा झ्‍यालखानडा सेल-रिबाका बट्‌ङिडिमिम बु। लावो माम्‍चु़नीकु सिजेम ने सेल-रिबाका मेबन्‍सी।

२ तिमोथी 1:16

ङाचो़ येशूका ओनेसिफरसकु नेमडाममिमलाई न-थो़म रेम्‍बोमिनु़, हेङालोने मेरामका छेम-छेमका ख्‍लो़साका आमा सो हन्‍बेथाल्‍लु़, मा चला सो़ङ्‌सिङ्‌डोमडाम उमा क्रो़म मेलु़थालावा।

थु़र्मा 26:29

पावलका र्‍वाक्‍ता, “कति दु़पा दु़म्‍नु़का हापा दु़पा ल्‍वाका दु़म्‍नु़ गानी कोङङा मेएँ, आनेप आमा ल्‍वा थो़पा खोत्‍ले ङा गो होप्‍माङा दु़म्‍मिनु़, लावो गो होम्‍साका सेल रिवाका बन्‍सिसाका ने मेएँ र्‍वाक्‍साका गो माम्‍चु़नीडा सो़म्‍दी बेउ।”

थु़र्मा 25:16

लावो गो मेर्मिमलाई मेजो़पा ल्‍वामिम बुइडला उन्‍ला सो़सिक्‍पाका उ कोर्थो़लाम बक्‍पामिमनुङ सि मेकोल्‍थु़म नुङ उ कोर्थो़लाम बक्‍पामिमकु दुथाम जेमेबेथु़म उहेम वो मु़चु़लाई मेडेङा देन्‍दे ग्‍वामु रोमी डु़म्‍लाडा मिबु बेउतोमिम बाइडा।

थु़र्मा 22:30

कमाण्‍डरका यहूदीमिम हेङा पावलकु कोर्थो़लाम बम्‍डिम र्‍वाक्‍पा ल्‍वा थेसिथेन्‍मु न बु़डु़म बाइडा। मेम्‍मिमका मेरामकु दिकाम नेम मे कमाण्‍डरका डोक्‍पु डु़म्‍लाचो़मिम, यहूदीमिम नुङ खोत्‍ले डोक्‍पु घ्रो़म्‍दी खोम्‍बेड्‌डु़मी। मेकोतिमा पावललाई बट्‌मा सेल रिवा फ्रोसाका मेर्मिमकु ङादोडा रेड्‌डु़मा येम्‍सिबेड्‌डु़।

फिलिप्‍पी 1:7

गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।