थु़र्मा 21:30 - थुलुङ राई

³⁰ आरेसाका येम्‍डिम-दुम्‍डिम ल्‍वा शहरडा खोत्‍लेथो़ थो़म्‍डी, मा मु़चु़मिम खोत्‍लेलामका मेसिन्‍डा ओन्‍तो रोम्‍डी। मेर्मिमका पावललाई सो़रनेमगोलामका रो़-रो़न्‍थु़त्तो पाखानो ख्‍लुम्‍डी, मा सो़रनेमकु लाम्‍चोको चम्‍ल्‍याम्‍डी।

थु़र्मा 21:30 Referans Kwoze

थु़र्मा 26:21

मेम्‍मिमका यहूदीमिमका गोलाई सो़रनेमगोडा चु़म्‍ङिडिमिमा सेन्‍मु माल्‍ङिडिमी।

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।

लूका 4:29

हुची बम्‍डिमा मेर्मिमका येशूलाई रो़-रो़न्‍थु़त्तो शहरलामका पाखा ख्‍लुम्‍डी। मेर्मिमकु शहर कोले पोप्‍चङडला बाइडा, मा मेर्मिमका मेराम पोप्‍चङकु भ्‍र्‍वालामका गुमीलाई धाली डम्‍सोमु माल्‍मिडी।

मत्ती 21:10

यरूशलेमगोनो येशू हुम्‍डिलो शहरडाम खोत्‍ले मु़चु़मिम छो़म येत्तो हिलाबेबेम्‍डी, “सु़ ओराम?”

मत्ती 2:3

ओराम ल्‍वा थो़स्‍तु़मा हेरोद हपका छो़म मिम्‍ताम-सो़र्ताम बु़डु़, मा यरूशलेमडाम खोत्‍ले मु़चु़मिमका वो मिम्‍ताम-सो़र्ताम बेम्‍डी।