Biblia Todo Logo
Bib sou entènèt

- Piblisite -




थु़र्मा 21:3 - थुलुङ राई

3 साइप्रस टापु फार्डा रोक्‍फात्तोकोमा मेरामकु रायलालाम दु़म्‍साका सिरियालामका टुरोस शहरडा लुक्‍तोको। हेङालोने डोक्‍पु कुबी-बोक्‍साडाम मोमसोजाम मेसिन्‍डा पार्जो़ल्‍मु बासिक्‍पा बाइडा।

Gade chapit la Kopi




थु़र्मा 21:3
22 Referans Kwoze  

मेकोतिमा मेलामका डोक्‍पु कुबी-बोक्‍सा लाम्‍दिमु चो़म्‍डु़, मा ब्‍लोजु़ गुकु लक्‍पा लाम्‍दीथो़ फुत्तोङा बु़डु़मका गुकु ब्‍लोजु़ मेफुट्‌पा साइप्रस टापुकु सो़पलाम लक्‍तोको।


कैसरियाडाम कोले-नले थो़रलु़पामिम वो गुकुनुङङा लम्‍डी। मेकोतिमा मेर्मिमका गुकुलाई साइप्रस टापुडाम कोले माकेवाम थो़रलु़पा मनासोन र्‍वाक्‍मा मु़चु़कु नेमडा ख्‍लुक्‍तिकिमी, मा मेसिन्‍डा गुकु बात्तोको।


टुरोस नुङ सीदोन शहरडाम मु़चु़मिमनुङ हेरोद हपकाम छो़म उ छोक्‍चो बक्‍ताम बाइडा। लावो मेर्चिप शहरडाम मु़चु़मिम कोले दु़म्‍साका उमाडा रोम्‍डी। हेङालोने मेर्मिमका हेरोद हपकु नेब्‍दीलाम मा-के ल्‍वाम्‍थाल्‍मिडी। मेम्‍मिमका हेरोद हपनुङ न-थो़म घ्रो़म्‍बेन्‍मु लागि हेरोदका थो़र बु़डु़म उ डु़ल्‍चो़ बलस्‍तसलाई उनी ल्‍वाडा बेसाका जेबेट्‌मिडी।


साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।


उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।


मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।


मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।


पावल नुङ बारनाबास छो़म डोक्‍पु गो फ दु़म्‍ची, मा मेर्चिप फ्‍वासिक्‍ची। मेकोतिमा मर्कूस र्‍वाक्‍मा यूहन्‍ना नुङ बारनाबास कुबी-बोक्‍सालामका साइप्रस टापुथो़ लक्‍ची।


मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!


बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।


स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।


“ए खोराजीन शहरडाम मु़चु़नी, गानीलाई वाइतो, ए बेथसेदा शहरडाम मु़चु़नी, गानीलाई वाइतो, गानीगोडा बेम्‍मा यु़म खारीमिम टुरोस नुङ सीदोन शहरडा बेपाका माला मेसिन्‍डाम मु़चु़मिमका हापा ङादो ङा जिलेम फसिट्‌मिवा, मा फोका क्‍लसिक्‍साका उनी छु़लमिम न-गोलामका मिम्‍सिसाका ख्‍लोसिट्‌मिवाम रेम्‍बेमिवा।


सिरियाडाम किब्‍दी साखामचो़ कुरेनियस बाइडाम थारीका ङादो मु़चु़मिमलाई ङार्मिडिम थारी ओराम ङा बाइडा।


“ए खोराजीन शहरडाम मु़चु़नी, गानी ने हाउरेमा, ए बेथसेदा शहरडाम मु़चु़नी, गानी हाउरेमा, हेङालोने गानीगोडा बेउतोम यु़मखारीमिम टुरोस शहर नुङ सीदोन शहरडाम मेजो़पा मु़चु़मिमगोडा बेउवा माला मेर्मिमका उनी छु़लमिम मिम्‍सिसाका ख्‍लोम्‍सिम्‍वाम रेम्‍बोमु माकेङा जिलेम फम्‍सिप्‍मिवा, मा फोका क्‍लम्‍सिप्‍मिवा।


मेकोतिमा फोनिकेथो़ लक्‍पा कोले डोक्‍पु कुबी-बोक्‍सा डार्तोको, मा गुकु मेरामडा ङा हुसाका लक्‍तोको।


टुरोसलामका डोक्‍पु कुबी-बोक्‍साडा गुकु टोलेमाइस शहरडा रोक्‍फात्तोको। मेसिन्‍डा थो़रलु़पामिमलाई क्रो़म्‍तोकोमा मेर्मिमनुङ कोलेम बात्तोको।


Swiv nou:

Piblisite


Piblisite