थु़र्मा 21:26 - थुलुङ राई

²⁶ पावलका मे ब्‍लले मु़चु़मिम लडु़मी, मा उ दिकाम मेर्मिमनुङ गु वो सेपा दु़म्‍पा खारी बु़डु़। मेकोतिमा सेपा दु़म्‍मुकु दुथाममिम उपास हाम्‍सी हु, मा मे खोत्‍ले सेपा दु़म्‍मिमिमकु दुथाम हाम्‍सी सासेन्‍मु बासी र्‍वाप्‍डा पावल सो़रनेमगोनो हुङ्‌डा।

थु़र्मा 21:26 Referans Kwoze

थु़र्मा 24:18

मेर्मिमका गोलाई सो़रनेमगोडा डार्ङिडिमिलो गो सेपा दु़म्‍मुकु खारी वो बोमु दु़म्‍तोम बाइडा। मेकोतिलो गोनुङ खोम्‍सिक्‍पा मु़चु़मिम सु़ वो मेबामिवा, मा गो सु़काम वो उनीमा थो़मतेर्साक्‍तोमिम मेबायावा। लावो मेसिन्‍डा एशियाडाम कोङनिम यहूदीमिम बाम्‍डी।

१ कोरिन्थी 9:20

यहूदीमिमनुङ खारी बेउतोलो मेर्मिमका ख्रीष्‍टडा थो़र लु़मिनु र्‍वाक्‍साका गो यहूदीमिम होप्‍मामङा दु़म्‍ङोरो। गो डु़म्‍ला होम्‍साका मेदोपा लोवो डु़म्‍ला होम्‍साका दोपामिमलाई थो़र लु़बेन्‍मुमि लागि डु़म्‍ला होम्‍साका दोपा होप्‍मामङा दु़म्‍ङोरो।

थु़र्मा 21:24

“लक्‍निमा गानी वो ओर्मिमनुङ कोयोङा सेपा दु़म्‍पा रु़दु़म बेनी, मा ओर्मिमलाई चाहेदु़म्‍पा खउलुङ ने गानी ङा सोन्‍साट्‌नी, मा ओर्मिमका उनी सेम खुर्मिनु़। आरेसाका गानी मोशाकु डु़म्‍ला होम्‍साका बोनिमिम ल्‍वामी, मा इनीमा दुथाम थो़म्डिम ल्‍वा आच्‍छाङा मेएँ रेछा र्‍वाक्‍पा खोत्‍लेका चमी।

यूहन्‍ना 11:55

यहूदीमिमकाम सेल्‍सिक्‍पा नेमकु चाड रोक्‍फाड्‌डाम बाइडा। मु़चु़मिम सेपा दु़म्‍मु लागि सेल्‍सिक्‍पा नेमकु चाड ङादो डु़म्‍ला होम्‍साका सेपा दु़म्‍मु लागि देल-देललाम यरूशलेम लम्‍डी।