थु़र्मा 21:24 - थुलुङ राई

²⁴ “लक्‍निमा गानी वो ओर्मिमनुङ कोयोङा सेपा दु़म्‍पा रु़दु़म बेनी, मा ओर्मिमलाई चाहेदु़म्‍पा खउलुङ ने गानी ङा सोन्‍साट्‌नी, मा ओर्मिमका उनी सेम खुर्मिनु़। आरेसाका गानी मोशाकु डु़म्‍ला होम्‍साका बोनिमिम ल्‍वामी, मा इनीमा दुथाम थो़म्डिम ल्‍वा आच्‍छाङा मेएँ रेछा र्‍वाक्‍पा खोत्‍लेका चमी।

थु़र्मा 21:24 Referans Kwoze

थु़र्मा 21:26

पावलका मे ब्‍लले मु़चु़मिम लडु़मी, मा उ दिकाम मेर्मिमनुङ गु वो सेपा दु़म्‍पा खारी बु़डु़। मेकोतिमा सेपा दु़म्‍मुकु दुथाममिम उपास हाम्‍सी हु, मा मे खोत्‍ले सेपा दु़म्‍मिमिमकु दुथाम हाम्‍सी सासेन्‍मु बासी र्‍वाप्‍डा पावल सो़रनेमगोनो हुङ्‌डा।

थु़र्मा 24:18

मेर्मिमका गोलाई सो़रनेमगोडा डार्ङिडिमिलो गो सेपा दु़म्‍मुकु खारी वो बोमु दु़म्‍तोम बाइडा। मेकोतिलो गोनुङ खोम्‍सिक्‍पा मु़चु़मिम सु़ वो मेबामिवा, मा गो सु़काम वो उनीमा थो़मतेर्साक्‍तोमिम मेबायावा। लावो मेसिन्‍डा एशियाडाम कोङनिम यहूदीमिम बाम्‍डी।

थु़र्मा 18:18

मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।

१ कोरिन्थी 9:20

यहूदीमिमनुङ खारी बेउतोलो मेर्मिमका ख्रीष्‍टडा थो़र लु़मिनु र्‍वाक्‍साका गो यहूदीमिम होप्‍मामङा दु़म्‍ङोरो। गो डु़म्‍ला होम्‍साका मेदोपा लोवो डु़म्‍ला होम्‍साका दोपामिमलाई थो़र लु़बेन्‍मुमि लागि डु़म्‍ला होम्‍साका दोपा होप्‍मामङा दु़म्‍ङोरो।

गलाती 2:12

याकूबका थु़र्स्‍तु़मिम मु़चु़मिम रोमु ङादो गुका वाङसामामिमनुङ कोदेपङा पु़थाल्‍लु़। लावो मेर्मिम मु़चु़मिम रोम्‍डिम चङडा गु वाङसामामिमडाम वाङ दु़म्‍साका बाइडा, हेङालोने वाङसामामिम वो कोक्‍ते खिरिरि क्रिम्मु बासी र्‍वाक्‍पामिमडाम ङिम्‍डिम बाइडा।

यूहन्‍ना 11:55

यहूदीमिमकाम सेल्‍सिक्‍पा नेमकु चाड रोक्‍फाड्‌डाम बाइडा। मु़चु़मिम सेपा दु़म्‍मु लागि सेल्‍सिक्‍पा नेमकु चाड ङादो डु़म्‍ला होम्‍साका सेपा दु़म्‍मु लागि देल-देललाम यरूशलेम लम्‍डी।

यूहन्‍ना 3:25

मेकोतिलोङा सेपा दु़म्‍मु सो़ल्‍सिक्‍पा डु़म्‍लाकु दुथाम यूहन्‍नाकु सीसिपामिम नुङ कोङनिम यहूदीमिम खाल्‍बेम्‍डी।