थु़र्मा 21:20 - थुलुङ राई

²⁰ ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

थु़र्मा 21:20 Referans Kwoze

रोमी 10:2

मेर्मिमकाम माम्‍चु़नीकु दुथाम जो़होमका सो़रलोले बेपा न बु, गो ओराम ल्‍वाकु दुथाम सो़पा बुङु। लावो हेसाका बेपा र्‍वाक्‍साका मेर्मिमका मेचमी।

गलाती 1:14

यहूदी डु़म्‍लागोडाम गोनुङ कोयोम मु़चु़मिमगोडाम गो खोत्‍लेडाम लाम बसिक्‍पामा बेप-पापमिमकु डु़म्‍ला बोमुडा छो़म आमा सो हन्‍पा बाइडा।

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

२ थेसलोनिकी 1:10

ङाचो़ येशू योमिमिमनेम ओर्मिम खोत्‍ले ल्‍वा रोथी। सेपा उनीमा मु़चु़मिमका गुमीलाई डोक्‍पु बोमी मा गुमीडा थो़रलु़पा खोत्‍ले ङाङाया दु़म्‍साका गुमीलाई डोक्‍पु मिम्‍मी। गानी वो मेर्मिमनुङङा दु़म्‍नी, हेङालोने गुकु ल्‍वात्तोको-सो़त्तोकोम ल्‍वाडा थो़रलु़न्‍नी।

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

यूहन्‍ना 12:24

आच्‍छाङा गो गानीलाई र्‍वाङु, जेप्‍सेरकु मा क्‍वाडला हुम्‍साका मेसियावा माला मेराम उ त्‍वापङा दु़म। लावो मेराम सिडा माला मेरामका हापा मा सिन्‍बेडु़।

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।