थु़र्मा 21:11 - थुलुङ राई

¹¹ अगाबस आकीमाडा रोक्‍तामा पावलकु थ्‍वाक्‍पुरी रसाका अगाबसका उ त्‍वाकु ल्‍वा-खेल बड्‌डु़मा र्‍वाक्‍ता, “माम्‍चु़नी-पेलका आरे र्‍वामी ‘ओराम थ्‍वाक्‍पुरीकु मु़चु़लाई यरूशलेमडा यहूदीमिमका आरेसाकाङा बन्‍मिमा वाङसामामिमकु ल्‍वाड्‌डा ग्‍वामी’।”

थु़र्मा 21:11 Referans Kwoze

थु़र्मा 21:33

उ फार्डा रोक्‍तामा मे कमाण्‍डरका पावललाई चु़म्‍डु़, मा नले सेल रिवाका बन्‍बेड्‌डु़मी। मेकोतिमा मे सेर्पा मु़चु़मिमलाई गुका, “सु़ ओराम, मा ओरामका हाम बु़डु़?” र्‍वाक्‍तामा हिलाबु़डु़मी।

थु़र्मा 20:23

आकोति कोङङा चक्‍पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्‍वाक्‍साका माम्‍चु़नी-पेलका आमा न छ्‌यामी।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 3:7

मेम्‍मिमका माम्‍चु़नी-पेलका आरे र्‍वामी, “आनेप गानी माम्‍चु़नीकु लो़लाम थो़न्‍नि माला,

२ तिमोथी 2:9

ओराम जो़पा-सेलाकाम लागि गो दु़खा इम्‍तोङा लेट्‌पु, मा मेजो़पा खारी बेपा मु़चु़ होङ्‍ङा झ्‍यालखानडा सेल-रिबाका बट्‌ङिडिमिम बु। लावो माम्‍चु़नीकु सिजेम ने सेल-रिबाका मेबन्‍सी।

एफिसी 6:20

मेराम जो़पा-सेला दो़मु लागि ङा गुमीका गोलाई थु़र्ङिडिमिम बु। सो़म्‍दी बेङसाङनी, गो झ्‍यालखानडा चसिक्‍पा बुङु लोवो गो जेमु बासिक्‍पा होम्‍साका मेङिसाका जेमु चापुनु़।

एफिसी 4:1

मेम्मिमका ङाचो़ येशू ख्रीष्‍टकु खारी बेउतोमका झ्‍यालखानडा चसिक्‍पा गो पावलका गानीलाई छो़म र्‍वाङु, माम्‍चु़नीका गानीलाई उनीमा हेप्‍माम मु़चु़ दु़म्‍मुकाम लागि येट्‌निम बु मेराम होम्‍साका दोनी बानी।

एफिसी 3:1

मेम्‍मिमका गानी वाङसामा मु़चु़मिमलाई ख्रीष्‍टकु जो़पा-सेला दो़उतोलो चसिङडोम गो पावलका र्‍वाङु।

थु़र्मा 28:25

मेर्मिम उनी त्‍वाप-त्‍वापडा ङा गो फ दु़म्‍मिडी, मा मेलाम ब्‍र्‍वाम्‍सिमु खाप्‍मिडिलो मेर्मिमनुङ पावलका ओराम कोले ल्‍वा र्‍वाक्‍ता, “इनीमा ङाउ-खुउलाई माम्‍चु़नीलाम-जेपा यशैयाकु सिलामका माम्‍चु़नी-पेलका र्‍वाम्‍डिम ल्‍वा आच्‍छाङा रेछा:

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

थु़र्मा 28:17

सुलेम चङडा पावलका मेसिन्‍डाम यहूदीमिमकु ङाचो़मिमलाई येड्‌डु़मी। मेर्मिम खोम्‍सिम्‍डिमा गुका मेर्मिमनुङ र्‍वाक्‍ता, “वा-ल्‍वाकनी, गो ने त्‍वाकु मु़चु़मिम नुङ त्‍वाकु ङाउमिमका बेम्‍खेम्‍डिम डु़म्‍लाकु कोर्थो़लाम ने हाम वो बेउतोम मेबायावा। लावो यरूशलेमडा बट्‌ङिडिमी मा रोमीमिमकु ल्‍वाड्‌डा गोलाई ग्‍वाङ्‌डिमिम बु।

थु़र्मा 26:29

पावलका र्‍वाक्‍ता, “कति दु़पा दु़म्‍नु़का हापा दु़पा ल्‍वाका दु़म्‍नु़ गानी कोङङा मेएँ, आनेप आमा ल्‍वा थो़पा खोत्‍ले ङा गो होप्‍माङा दु़म्‍मिनु़, लावो गो होम्‍साका सेल रिवाका बन्‍सिसाका ने मेएँ र्‍वाक्‍साका गो माम्‍चु़नीडा सो़म्‍दी बेउ।”

थु़र्मा 24:27

लावो नक थ चङडा फेलिक्‍सकु खुन्‍चु़म पर्किअस फेस्‍तसका रङडु़, मा यहूदीमिमलाई गेर्सिबेन्‍मु फेलिक्‍सका पावललाई चक्‍जो़ल्‍लु़मा लस्‍ता।

थु़र्मा 22:25

मेकोतिमा मेर्मिमका पावललाई कोक्‍तेकु रिवाका बट्‌मिडी। मेकोतिलो उमा फार्डा ङा येम्‍तासिट्‌पा कप्‍ताननुङ पावलका र्‍वाक्‍ता, “हाम कोङ रोमी नागरिकलाई ङादो अदालतडा मुमा मेबेसाका ङा याल्‍मु रोमी डु़म्‍लाडा बु?”

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

यूहन्‍ना 18:1

सो़म्‍दी बोमु दु़म्‍मिडिमा येशू उनीमा सीसिपामिमनुङ किद्रोन खोल्‍सा होम्‍बु लम्‍डी। मेसिन्‍डा जैतून धक्‍सामिमकु बगैंचा बाइडा। येशू नुङ उनी सीसिपामिम मेगोडा हुम्‍डी।

थु़र्मा 8:29

मेकोतिमा माम्‍चु़नी-पेलका फिलिपनुङ र्‍वाम्‍डी, “लक्‍सामा मेराम रथडलाम मु़चु़लाई क्रो़म्‍डा।”

थु़र्मा 21:4

मेसिन्‍डा सीसिपामिमलाई माल्‍साका डार्तोकोमी, मा मेर्मिमनुङ गुकु येतलेम बात्तोको। मेर्मिमका माम्‍चु़नी-पेललामका पावललाई यरूशलेमडा मेलक्‍नी बेम्‍डी।

१ तिमोथी 4:1

दिफुम थारीबिलि कोङनिम मु़चु़मिम उनी थो़र लु़सीलामका ख्‍लोम्‍सिट्‌मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्‍वाक्‍साका माम्‍चु़नी-पेलका जो़होमका र्‍वामी।