थु़र्मा 20:6 - थुलुङ राई

⁶ गुकु ने लङखाम मान्‍थिम सो़बेम पोमु चाडकु चङडा फिलिप्‍पीलामका डोक्‍पु कुबी-बोक्‍साडा हुत्तोकोमा ङोलेमका त्रोआस शहरडा मेर्मिमकाडा रोक्‍फात्तोको। मेसिन्‍डा गुकु येतलेम बात्तोको।

थु़र्मा 20:6 Referans Kwoze

थु़र्मा 12:3

ओराम खारीका यहूदीमिम गेर्सिम्‍डिम ल्‍वास्‍तु़, मा हेरोदका सेल्सिमुनेमकु चाडकाम सो़बेम पोमु थारीका पत्रुसलाई चु़म्‍डु़।

थु़र्मा 16:12

मेसिम्‍मा माकेडोनियाकु डोक्‍पु शहर फिलिप्‍पीडा रोक्‍फात्तोको, मेराम शहर रोमीकु ल्‍वाडा बाइडा। गुकु मेसिन्‍डा कोलेम-नलेम बात्तोको।

२ तिमोथी 4:13

गाना रोनालो त्रोआस शहरडा कार्पसकाडा पार्जो़ल्‍तोम आमा हुम-ये नुङ आमा खाजेममिम, मा भेन्‍दाकु कोक्‍तेडा र्‍याक्‍मा खाजेम ने मेप्‍ल्‍वासाका कोर्ङी।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

थु़र्मा 28:14

मेसिन्‍डा गुकु येशूडा थो़रलु़पामिमलाई डार्तोको, मा मेर्मिमका येतलेमसम्‍म गुकुलाई बुइ र्‍वाम्‍डी। आरेसाका गुकु रोम शहरडा रोक्‍फात्तोको।

थु़र्मा 21:8

उ दिकाम नेम मेलामका ब्‍र्‍वासिक्‍तोकोमा कैसरिया शहरडा रोक्‍तोको, मा जो़पा-सेला थो़बेट्‌पा फिलिपकु नेमडा लक्‍तोको। गु यरूशलेमडा माम्‍चु़नीकु सो़रलोले बेपा थुट्‌मीडिम येतलेमिमगोडाम कोले बाइडा, मा गुकु मेराम नुङङा बात्तोको।

थु़र्मा 21:4

मेसिन्‍डा सीसिपामिमलाई माल्‍साका डार्तोकोमी, मा मेर्मिमनुङ गुकु येतलेम बात्तोको। मेर्मिमका माम्‍चु़नी-पेललामका पावललाई यरूशलेमडा मेलक्‍नी बेम्‍डी।

थु़र्मा 16:8

मेकोतिमा मेर्मिम माइसियालामका त्रोआसथो़ योम्‍डी।

थु़र्मा 16:10

पावलका ओराम मिक्‍सीलाम ल्‍वास्‍तु़म चङडा गुकु माकेडोनिया लक्‍पा मुलु़ बेथाक्‍तोको। मेसिन्‍डाम मु़चु़मिमलाई जो़पा-सेला थो़बेन्‍मु माम्‍चु़नीका गुकुलाई येत्तिकिम रेछा र्‍वाक्‍पा गुकु चक्‍तोको।

थु़र्मा 20:5

ओर्मिम मु़चु़ गुकुडाम ङादो ङा लम्‍डिमा त्रोआस शहरडा लथाक्‍तिकिम बाम्‍डी।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।