थु़र्मा 20:36 - थुलुङ राई

³⁶ आकोति र्‍वाक्‍तामा पावलका क्रचु़खुम बु़डु़, मा मेर्मिम खोत्‍लेनुङ कोयोङा सो़म्‍दी बु़डु़।

थु़र्मा 20:36 Referans Kwoze

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

लूका 22:41

मेकोतिमा येशू सीसिपामिमडाम सुक धु़म (३०) मिटर को-को भाल लम्‍डिमा क्रचु़खुम बेसाका सो़म्‍दी बोमु चो़म्‍मिडी,

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”