थु़र्मा 20:30 - थुलुङ राई

³⁰ गानीगोलामका ङा लिमा थेट्‌पा, मा ब्‍लो़पा मु़चु़मिम लुमी सो़! मेर्मिमका थो़रलु़पामिमलाई फ्‍वामिमा लमी।

थु़र्मा 20:30 Referans Kwoze

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

रेम्‍बेट्‌मिडिम ल्‍वा 2:6

लावो गो द्‌वाक्‍पुमिम ओराम ल्‍वा ने गानानुङ बु: निकोलाइटसमिमकु बेसीमिम गाना मेद्‌वाना। गो वो मेराम ने मेद्‌वाक्‍पु।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

थु़र्मा 21:38

बास्‍ता-नेहोनेम ङा रिबुसी किन्‍मु चो़म्‍पा मा ब्‍ल धु़मसङ (४,०००) रिबुसी किट्‌पामिमलाई सो़ब्‍दीथो़ लक्‍पा मिश्री गाना ङा मे डे?”

मत्ती 23:15

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, हेङालोने कोले मु़चु़लाई गानी होप्माम माम्चु़नीकु सो़रलोले बेपा दु़म्‍बेन्‍मु लागि गानी खोत्‍ले बाय नुङ दिरिदिनडा खिर्सिनी। मेम्‍मा मेराम गानी होप्माम सो़रलोले बेपा दु़म्मिम चङडा, खादीयु़ गानीडाम वो हापा देन्‍दे ल्‍वापा बनेबोनी।

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।