थु़र्मा 20:29 - थुलुङ राई

²⁹ हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

थु़र्मा 20:29 Referans Kwoze

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

२ पत्रुस 2:1

लावो इस्राएलीमिमगोडा लिमा ल्‍वा सीपा मु़चु़मिम बाम्‍डिम होङङा गानीगोडा वो माम्‍चु़नीलाम-जेपा लिसिक्‍पामिम बुमी। मेर्मिमका ताङताहेरथो़ लक्‍पा लिमा सीसिमिम मेचहोमका सीमी, मेर्मिमकाम लागि थि सोक्‍साक्‍पा डोक्‍पु ङाचो़ ख्रीष्‍टलाई वो मेरमी मा दालाङा मेर्मिम पुयु़लुबेन्‍ला सो़म्‍सिमी।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

यूहन्‍ना 10:12

लावो खउलुङ ग्‍वाक्‍साका जु़ल्‍मा मु़चु़ ने त्‍वाकु भेन्‍दामिम बाट्‌पा रेपा-क्रिपा मु़चु़ होप्‍माम मेएँ। मेरामका बडि रोक्‍पा ल्‍वासु़लो भेन्‍दामिमलाई पार्जो़लु़मा स्‍वा। मेम्‍मा बडिका भेन्‍दामिमलाई ङाघ्रकु़मी, मा फोरु़मी।

लूका 10:3

गानी लक्‍नी, लावो लमु ङादो थो़नी, गानीलाई गो बडिमिमकु थेतेगोडा भेन्‍दाकु चो़ होङङा थु़र्तोङा लेनिनी।

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

यूहन्‍ना 21:15

मेर्मिमका पोमु डु़म्‍मिडिमा येशूका सिमोन पत्रुसलाई र्‍वाम्‍डी, “यूहन्‍नाकु तारापाचो़ सिमोन, हाम ओर्मिमडाम हापा रिखाम गाना बोङी?” गुका र्‍वाक्‍ता, “मेमङा, ङाचो़, गो गानीलाई रिखाम बोनिनी र्‍वाक्‍पा गानी चनी।” गुमीका गुलाई र्‍वाम्‍डी, “आमा भेन्‍दाकु चो़मिमलाई पोमुडुमु ग्‍वाकामी।”

१ पत्रुस 5:2

माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।

यहूदा 1:18

मेर्मिमका र्‍वाम्‍डिम बाइडा, “हुक्‍पा थारी रोम्‍फामु खाप्‍डु़मिम बिलि सेम्‍ला बेट्‌पा मु़चु़मिम मेजो़पा उनी न होङङा दोमी।”