थु़र्मा 20:27 - थुलुङ राई

²⁷ हेङालोने माम्‍चु़नीकु खोत्‍ले न-थो़म गानीनुङ सो़मुडाम गो लिबा बाङ्‌डोम मिबु।

थु़र्मा 20:27 Referans Kwoze

थु़र्मा 20:20

गानी इनीमा थो़रलु़सीडा बर्तो लनी र्‍वाक्‍साका गो गानीलाई आमा नड्‌डा हाम वो मेमुर्सिक्‍साका येशूकु दुथाममिम ल्‍वा खोत्‍ले मु़चु़मिमकु ङादोडा नुङ इनीमा नेम-नेमडा लक्‍साका सीट्‌निनिम ल्‍वा ने चनिमिम ङा बु।

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

गलाती 4:16

हाम गो गानीलाई आच्‍छाङाकाम ल्‍वा सो़उतोमका गो इनीमा स्‍वाक्‍चिमो मु़चु़ दु़म्‍ङोडोम बु मा?

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

१ कोरिन्थी 11:23

हेङालोने ङाचो़लाम गो हाम ल्‍वाउतो मेराम गो गानीलाई ग्‍वाक्‍निनिम बु। ङाचो़ येशू चु़म्‍ला सो़म्‍सिम्‍डिम सिन्‍था गुमीका सो़बेम झेट्‌मिडी,

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

थु़र्मा 13:36

“दाऊदकु साम बाइडामसम्‍म गुका माम्‍चु़नीकु न होम्‍साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्‍लु़म्‍मिडी, मा दाऊदकु रो़म झिप्‍स्‍ता।