थु़र्मा 20:24 - थुलुङ राई

²⁴ लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

थु़र्मा 20:24 Referans Kwoze

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

रोमी 11:6

ओराम ने दिदामलामका दु़स्‍ताम सो़, मेर्मिमकु जो़पा खारीलाम मेएँ, जो़पा खारी बेसाका मेम दु़म्‍सावाम माला माम्‍चु़नीकु दिदाम ङा मेदु़म्‍सावा।

थु़र्मा 14:3

मेसिन्‍डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्‍ची। मेम्‍मा येशूका मेर्चिपलाई उनीमा यु़म ग्‍वाम्‍डी। मेलामका हेल्‍लो वो मेल्‍वामिवाम खारीमिम नुङ छेखोपमिमका मेर्चिपका जेच्‍चिम दिदामकु सिजेम आच्‍छाङा र्‍वाक्‍पा रेम्‍बेम्‍डी।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

२ कोरिन्‍थी 5:8

इकीमा छो़म सो हन्‍पा बु मा ओराम मिरो़म डिसाका ङाचो़नुङ बुमु गुइ द्‌वाकी।

थु़र्मा 20:32

“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 1:17

हेङालोने मेराम वो गुइनुङ ङा ङार्स्‍ताम बाइडा, मा ओराम लाले-पाङ्‍केडा ङा मेरामका वो दो़दो़वा डार्स्‍तु़म बाइडा।

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

रेम्‍बेट्‌मिडिम ल्‍वा 12:11

भेन्‍दाचो़कु सिसिका नुङ मेर्मिमका सो़म्‍डिम सिजेमका मेराम मुनाङडला घ्‍ल्‍वाम्‍डिम बु। मेर्मिम सिमुङा बासिक्‍पा लोवो सिमु मेङिपा बाम्‍डी।

१ यूहन्‍ना 3:16

ख्रीष्‍टका उनीमा साम इकीमा लागि फ्‍याम्‍डी, मेराम गुइ मिम्‍डिलो रिखाम र्‍वाक्‍मा हाम मेराम थेसिथेडी। गुइ थो़रलु़पा वाङमिम वा-ल्‍वाकमिमकाम लागि इकीमा साम फ्‍यामु बासी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

एफिसी 3:13

मेम्‍मिमका गो गानीलाई छो़म र्‍वाङु इनीमा लागि गो छो़म दु़खा ल्‍वाउलो इनी पाउ मेसोनु़। हेङालोने आमा दु़खाका इनीमा लागि जो़पा जि-वा रेडु़।

२ कोरिन्‍थी 7:4

गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

१ थेसलोनिकी 3:3

मेम्‍मा ओर्मिम दु़खाका गानीगोडाम सु़ वो उनी गो मेभ्रसिक्‍पा मेदु़म्‍मिनु़। गुकु आरेप्‍माम दु़खा ल्‍वामु लागिङा थुसिक्‍तोकोम र्‍वाक्‍पा गानी त्‍वाकाङा चनी।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

रोमी 4:4

खारी बेपा मु़चु़का खारी बु़डु़मकु खउलुङ ल्‍वासु़। लावो मेराम ने गुका ल्‍वामु बासिक्‍पा खउलुङ सो़, मेडेङा ग्‍वाक्‍मा मेएँ।

यूहन्‍ना 15:27

ङादो आथामङा गानी गोनुङ बुनिमिमका गानी वो आमा दुथाम सो़पा दु़म्‍नी।”

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

थु़र्मा 13:25

यूहन्‍नाका उ खारी बोमु दु़म्‍मु खाप्‍स्‍तु़लो आरे र्‍वाक्‍ताम बाइडा, ‘गानी गोलाई सु़ र्‍वाक्‍पा मिम्‍नी? गो ने गानी लन्‍थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्‍लु़मु वो मेघ्रेन्‍ङी।’

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।

थु़र्मा 20:23

आकोति कोङङा चक्‍पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्‍वाक्‍साका माम्‍चु़नी-पेलका आमा न छ्‌यामी।

फिलिप्‍पी 2:30

हेङालोने ख्रीष्‍टकु खारीकाम लागि गु र्‍वाप्‍डाङा सिडा, मा गानी गोलाई ग्‍वामु मेचाप्‍निवाम ख्‍लो़सीडा खारी बोम्सोमु लागि सिमु बासि लोवो हाम होङ्‍ङा मेलु़यावाम बाइडा।

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।