थु़र्मा 20:2 - थुलुङ राई

² मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।

थु़र्मा 20:2 Referans Kwoze

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ थेसलोनिकी 2:3

गानीलाई गुकु थो़बेत्तोकोम ल्‍वा ने लिमा ल्‍वा मेबायावा। मेजो़पा ननुङमा वो मेबायावा मा सु़लाई लु-फेले बेपा आकीमा न मिबु।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

थु़र्मा 20:11

मेकोतिमा पावल नेमडलाम बाखोपडा लस्‍तामा ग्रुला पेम्‍डिम चङडा नेमसोसोसम्‍म हापा ल्‍वामिम बु़डु़मा पावल मेलामका लस्‍ता।

थु़र्मा 17:10

थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।

थु़र्मा 17:1

पावल नुङ सिलास अम्‍फिपोलिस नुङ अपोल्‍लोनियालामका थेसलोनिके शहरडा रोक्‍ची। मेसिन्‍डा यहूदीमिमकु कोले घ्रो़म्‍दीनेम बाइडा।

थु़र्मा 16:12

मेसिम्‍मा माकेडोनियाकु डोक्‍पु शहर फिलिप्‍पीडा रोक्‍फात्तोको, मेराम शहर रोमीकु ल्‍वाडा बाइडा। गुकु मेसिन्‍डा कोलेम-नलेम बात्तोको।

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

थु़र्मा 2:40

पत्रुसका वाङमिम वो हापा ल्‍वामिमलामका उनी न छ्‌याक्‍सात्तो आरे बु़डु़मी, “छु़लचो़मिमका ल्‍वापा देन्‍देडाम वाङ बासाका सेल्‍सिट्‌नी।”

लूका 3:18

आरेप्‍माम वाङमिम वो हापा ल्‍वामिम सो़साका लु़म्‍ला बेत्तो यूहन्‍नाका मु़चु़मिमलाई जो़पा-सेला थो़बेड्‌डु़मी।

थु़र्मा 20:1

मे रिबुसी-ल्‍वा दाम्‍स्‍ताम चङडा पावलका सीसिपामिमलाई येड्‌डु़मी, मा मेर्मिमलाई लु़म्‍ला बेड्‌डु़मी। मेकोतिमा मेर्मिमनुङ ब्‍र्‍वासिड्‌डामा माकेडोनियाथो़ लस्‍ता।

थु़र्मा 20:3

गु सु मुनाम मेसिन्‍डा ङा बाइडा। मेकोतिमा डोक्‍पु कुबी-बोक्‍सालामका सिरियाथो़ लमु न बु़डु़म बाइडा, लावो यहूदीमिमका पावलकु दुथाम मेजो़पा मुलु़ बेम्‍डिमका गुका माकेडोनियालामका ङा ख्‍लोम्‍सिमुमा लमु न बु़डु़।

१ कोरिन्थी 4:19

लावो माम्‍चु़नीका न बेम्‍डी माला गो इनीमाडा दालाङा रोङु, मा मे डोक्‍पु लिसिक्‍पा मु़चु़मिमका जेम्‍डिम ल्‍वा कोङङा मेएँ मेर्मिमकु यु़म हाम रेछा मेराम रेपु।