थु़र्मा 20:17 - थुलुङ राई

¹⁷ पावलका मिलेटसलामका एफिससडा बाट्‌पा मण्‍डलीडाम एल्‍डरमिम येड्‌डा मु़चु़मिम थु़र्डु़मी।

थु़र्मा 20:17 Referans Kwoze

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

१ तिमोथी 5:17

जो़होमका मण्‍डली क्रिपा एल्‍डरमिमलाई खोत्‍लेका छो़म डोक्‍पु मिम्‍मी। जो़पा-सेला थो़बेट्‌पामिम नुङ सीपामिमलाई ने मेरामडाम वो हापा डोक्‍पु मिम्‍मी।

याकूब 5:14

हाम गानीगोडाम कोङनिम नो़पा बु? मेरामका मण्‍डलीडाम एल्‍डरमिमलाई येट्‌नुमा एल्‍डरमिमका नो़पालाई तेलका क्‍लक्‍साका येशूकु नङडा सो़म्‍दी बोम्‍सामिनु़।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

३ यूहन्‍ना 1:1

मण्‍डली रेपा ङाउ गो यूहन्‍नाका आच्‍छाङा रिखाम बोनिमिम गायस, गानालाई गो ओराम सेलाखाजेम र्‍याक्‍तोङा बेउ।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

थु़र्मा 16:4

पावल, सिलास नुङ तिमोथी शहर-शहरडा लम्‍डिलो मेर्मिमका मेसिन्‍डाम थो़रलु़पामिमलाई यरूशलेमडाम थु़र्मामिम नुङ एल्‍डरमिमका मुलु़ बेम्‍डिम ल्‍वामिम होम्‍साका दोनी बेम्‍डी।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 15:6

ओराम ल्‍वाकु दुथाम मुलु़ ख्रिमुलाई थु़र्मामिम नुङ एल्‍डरमिम खोम्‍सिम्‍डी।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 20:15

उ दिकाम नेम मेलामका गुकु डोक्‍पु कुबी-बोक्‍साडा हुत्तोको, मा खियस टापु फार्डा रोक्‍फात्तोको। मेकोतिमा उ नहाद्‌दामनेम गुकु सामोस टापुडा रोक्‍फात्तोको। मेकोतिमा उ सुहाद्‌दामनेम गुकु मिलेटस शहरडा रोक्‍तोको।