थु़र्मा 20:16 - थुलुङ राई

¹⁶ एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 20:16 Referans Kwoze

१ कोरिन्थी 16:8

पेन्तिकोसकु चाडसम्‍म गो आसि एफिससडाङा बुङु,

थु़र्मा 2:1

पेन्‍तिकोस चाडकामनेम थो़रलु़पामिम खोत्‍लेङा कोदेप खोम्‍सिम्‍डिम बाइडा।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

थु़र्मा 21:4

मेसिन्‍डा सीसिपामिमलाई माल्‍साका डार्तोकोमी, मा मेर्मिमनुङ गुकु येतलेम बात्तोको। मेर्मिमका माम्‍चु़नी-पेललामका पावललाई यरूशलेमडा मेलक्‍नी बेम्‍डी।

थु़र्मा 20:22

“रेप्‍नी, माम्‍चु़नी-पेलका बट्‌ङिडिमिमका गो यरूशलेमथो़ लक्‍तोङा बेउ। मेसिन्‍डा गोलाई हाम दु़म गो मेचक्‍पु।

थु़र्मा 20:13

पावलका लाम्‍दिसाका लमु चोचु़म्‍डु़म बाइडा, मा गुकु अस्‍सोस शहरलामका गुलाई डोक्‍पु कुबी-बोक्‍साडा हुबेट्‌पा मुलु़ बेत्तोकोम बाइडा। मेम्‍मिमका गुकु ङादो ङा डोक्‍पु कुबी-बोक्‍साडा हुत्तोकोमा अस्‍सोस शहरथो़ लक्‍तोको।

थु़र्मा 20:6

गुकु ने लङखाम मान्‍थिम सो़बेम पोमु चाडकु चङडा फिलिप्‍पीलामका डोक्‍पु कुबी-बोक्‍साडा हुत्तोकोमा ङोलेमका त्रोआस शहरडा मेर्मिमकाडा रोक्‍फात्तोको। मेसिन्‍डा गुकु येतलेम बात्तोको।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 12:13

पत्रुसका मु़चु़ येन्‍मु लागि लाम्‍चोको ढकढक बु़डु़, मा रोदा र्‍वाक्‍मा डु़ल्‍चो़मे लाम्‍चोको होल्‍डा रोक्‍ता।

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

थु़र्मा 20:18

मेर्मिम पावलकाडा रोम्‍फाम्‍डी, मा पावलका मेर्मिमनुङ र्‍वाक्‍ता, “एशियाडा रोङडोम नेमलो आथाम खोत्‍ले थारीका गानीनुङ गो हेसाका बाङडो, मेराम ने गानी चनिमिम ङा बु।