थु़र्मा 20:1 - थुलुङ राई

¹ मे रिबुसी-ल्‍वा दाम्‍स्‍ताम चङडा पावलका सीसिपामिमलाई येड्‌डु़मी, मा मेर्मिमलाई लु़म्‍ला बेड्‌डु़मी। मेकोतिमा मेर्मिमनुङ ब्‍र्‍वासिड्‌डामा माकेडोनियाथो़ लस्‍ता।

थु़र्मा 20:1 Referans Kwoze

२ कोरिन्‍थी 7:5

गुकु माकेडोनियाडा रोक्‍तोकोलो वो ङेम्‍सिमु मेल्‍वाकुवा। मेसिन्‍डा बान्‍तेमेनो गुकु दु़खा ल्‍वात्तोकोम बाइडा, पाखाडा ने रिबुसी किन्‍मु बासिक्‍पा मा न-गोडा ने ङित्तोकोम बाइडा।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ थेसलोनिकी 5:26

खोत्‍ले वा-ल्‍वाकमिमलाई ख्रीष्‍टियनकु रिखामका सेव साट्‌नी।

१ कोरिन्थी 16:20

खोत्‍ले थो़रलु़पा वा-ल्‍वाकमिमका गानीलाई सेव र्‍वाम्‍डिम बु। थो़रलु़पा दु़म्‍सीकु रिखामका गानी सेव साबेनी।

१ कोरिन्थी 16:5

गो माकेडोनिया दु़म्‍साका लङुमिम चङडा इनीमाडा रोङु, हेङोलोने गो माकेडोनिया दु़म्‍तोङा लमु बासी।

रोमी 16:16

गानी कोलेका कोङमीलाई सेपा रिखामनुङमा दु़म्‍साका सेव साट्‍नी। आसिन्‍डाम सेपा खोत्‍ले मण्‍डलीका गानीलाई सेव र्‍वाम्‍डिम बु।

थु़र्मा 20:37

मेकोतिमा मेर्मिम खोत्‍लेङा ख्राप्‍मिडी, मा पावललाई फोप्‍मिडिमा चुप बेम्‍डी।

थु़र्मा 20:10

पावल धालु़ योक्‍ता, मा मेरामलाई सोको फोप्‍डु़, मेम्‍मा र्‍वाक्‍ता, “इनीमा लो़ मेदाम्‍नु़, ओराम मु़चु़ सिडाम मिबु।”

थु़र्मा 16:9

मेराम सिन्‍था पावलका मिक्‍सीलाम ल्‍वास्‍तु़। माकेडोनियाडाम कोले मु़चु़ येम्‍स्‍तामा गुलाई आरे र्‍वाक्‍ताम-र्‍वाक्‍ताम ङा बु़डु़होम बाइडा, “माकेडोनियाडा गेट्‌नी, मा गुकुलाई ख्‍लो़किनी।”

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

२ कोरिन्‍थी 13:12

गानी सेपा रिखामका त्‍वाप त्‍वापगोडा सेव साबेबेनी।

थु़र्मा 16:12

मेसिम्‍मा माकेडोनियाकु डोक्‍पु शहर फिलिप्‍पीडा रोक्‍फात्तोको, मेराम शहर रोमीकु ल्‍वाडा बाइडा। गुकु मेसिन्‍डा कोलेम-नलेम बात्तोको।

थु़र्मा 20:2

मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।

थु़र्मा 20:3

गु सु मुनाम मेसिन्‍डा ङा बाइडा। मेकोतिमा डोक्‍पु कुबी-बोक्‍सालामका सिरियाथो़ लमु न बु़डु़म बाइडा, लावो यहूदीमिमका पावलकु दुथाम मेजो़पा मुलु़ बेम्‍डिमका गुका माकेडोनियालामका ङा ख्‍लोम्‍सिमुमा लमु न बु़डु़।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।