थु़र्मा 2:9 - थुलुङ राई

⁹ गुइ आसिन्‍डा पार्थीमिम, मादीमिम, एलामीमिम, मा मेसोपोटामियाडाम, यहूदियाडाम, कापाडोकियाडाम, पोन्‍टसडाम नुङ एशियाडा बाट्‌पा बुइ।

थु़र्मा 2:9 Referans Kwoze

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

२ तिमोथी 1:15

एशियाडा बाट्‌पा हापा मु़चु़मिमका गोलाई ङेट्‌ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।

थु़र्मा 18:2

गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 19:10

नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

२ कोरिन्‍थी 1:8

वा-ल्‍वाकनी, गुकु एशियाडा दु़खा ल्‍वात्तोकोम ल्‍वाकु दुथाम गानी वो चन्‍जो़ल्‍नी र्‍वाक्‍पा आकीमा न बु। मेसिन्‍डा गुकु छो़म दु़खा ल्‍वात्तोको, मेराम गुकु इम्‍मुङा मेचाप्‍कुवामका आकी साम जु़ल्‍मु वो न सेत्तोकोम बाइडा।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।

रोमी 16:5

मेर्चिपकु नेमडा खोम्‍सिक्‍पा मण्‍डलीमिमलाई सेव र्‍वाङ्साङनी। आमा द्‍वादीबुङ ङोप्‍सो़ एशियाडा खोत्‍लेडाम ङादोम थो़रलु़पा इपेनितसलाई सेव बु।

थु़र्मा 20:18

मेर्मिम पावलकाडा रोम्‍फाम्‍डी, मा पावलका मेर्मिमनुङ र्‍वाक्‍ता, “एशियाडा रोङडोम नेमलो आथाम खोत्‍ले थारीका गानीनुङ गो हेसाका बाङडो, मेराम ने गानी चनिमिम ङा बु।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 19:31

एशियाडाम कोङनिम साखामचो़मिम वो पावलकु ङोप्‍सो़ बाम्‍डी, मा मेर्मिमका पावल मेसिन्‍डा मेलमिनु़ र्‍वाक्‍साका सेला थु़र्सोम्‍डी।

थु़र्मा 19:27

मु़चु़मिमका इकीमा ब्‍यापार जो़पा मिम्‍मिडिम बु। मेराम मेद्‌वामी र्‍वाक्‍पा ङिम कोङङा मेएँ, डोक्‍पु नो़पमा आर्तेमिसकु सो़रनेम वो हाम ना हामकाम दु़म। मेम्‍मा एशिया नुङ खोत्‍ले सु़म्‍दिसेरडाम मु़चु़मिमका डोक्‍पु मिम्‍मु डिन्‍मी।”

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

थु़र्मा 2:8

मा हेसाका ओर्मिमका इकी त्‍वाकु ल्‍वाडा जेमिमिम गुइ थो़त्तोङा बिइ?

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

थु़र्मा 21:27

सेपा दु़म्‍मुकु दुथाममिम उपास येतलेम लिसाका हुमु खाप्‍स्‍तु़लो एशियालामका रोक्‍पा यहूदीमिमका सो़रनेमगोनो पावललाई ल्‍वाम्‍डी, मा सेर्पा मु़चु़मिमलाई कोम्‍डिमा गुलाई चु़म्‍मिडी।

थु़र्मा 24:18

मेर्मिमका गोलाई सो़रनेमगोडा डार्ङिडिमिलो गो सेपा दु़म्‍मुकु खारी वो बोमु दु़म्‍तोम बाइडा। मेकोतिलो गोनुङ खोम्‍सिक्‍पा मु़चु़मिम सु़ वो मेबामिवा, मा गो सु़काम वो उनीमा थो़मतेर्साक्‍तोमिम मेबायावा। लावो मेसिन्‍डा एशियाडाम कोङनिम यहूदीमिम बाम्‍डी।

थु़र्मा 27:2

मेकोतिमा गुकु एड्रामिटेनोस शहरलामका एशियाडाम बन्‍दरगाह मिमलाम दु़म्‍तो लक्‍पा कोले डोक्‍पु कुबी-बोक्‍साडला हुत्तोकोमा लाम्‍दित्तोको। माकेडोनियाडाम थेसलोनिके शहरडा बाट्‌पा अरिस्‍तार्खस वो गुकुनुङ बाइडा।