47 मा माम्चु़नीकु नङ कोक्तो खोत्लेनुङ द्वादीबुङकाम दु़म्साका बाम्थाल्मिडी। माम्चु़नीका सेल्सिक्पामिम खोत्लेलाई हेल्लो लोवो मेर्मिमनुङ काप्मिडिम बाम्डी।
मेम्मिमका मण्डलीमिमकु थो़र बर्तो लस्ता, मा येशूडा थो़रलु़पामिम हेल्लो लोवो बर्तो लम्डी।
पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्सिक्पामिमकाम लागि ओराम माम्चु़नीकु यु़म सो़।
उहेम-उहेमका पत्रुसकु सिजेम उनी नडा रम्डी, मेर्मिमका कु-रु़दु़म रम्डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्सिम्डी।
हेङालोने ओराम इनीमा लागि, इनी चो़-चु़सु़मिमकाम लागि, मा माम्चु़नीका येन्मिमिम वाङथो़ बाट्पामिम खोत्लेकाम लागि गुमीका ग्वानिनी र्वाम्डिम बु।”
उहेम मु़चु़का आरेसाका ख्रीष्टकु खारी बु़, मेरामका माम्चु़नीलाई गेर्सिबेडु़ मा मु़चु़मिमका वो जो़पा मिम्मी।
बारनाबास कोङ जो़पा मु़चु़ बाइडा। गु माम्चु़नी-पेलका लु़न्सिट्पा नुङ डोक्पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्चु़नीडा रेड्डु़मी।
वाङसामामिमका ओराम ल्वा थो़म्डिमा छो़म गेर्सिम्डी, मा माम्चु़नीकु सिजेमकाम लागि आलासो़ ग्वाम्डी। मेकोतिमा हेल्लो वो मेसिपा त्वारो़म ल्वामु र्वाक्साका छेट्मिडिम खोत्ले मु़चु़का थो़र लु़म्डी।
माम्चु़नीलाम जेपा यशैयाका इस्राएलीमिमकु दुथाम आरे र्वा, “इस्राएलीकु चो़-चु़सु़मिम दिरिदिनडाम सेक्रे कोतिङा दु़म्मी लोवो कोङनिमका कोङङा सेल्सिमु ल्वामी।
गुमीका ङादोङा छेट्मिडिम मु़चु़मिमलाई वो येट्मिडी मा मेर्मिमलाई उनीमा ङादोडा जो़पा नगोकाम दु़म्बेट्मिडी। मेम्मा जो़पा न-गोकाम दु़म्पामिमलाई गुमीका यु़म-झ्वाक्सी ल्वापा वो दु़म्बेट्मिडी।
येशू नेप्चीडा, मिरो़मडा, माम्चु़नी नुङ मु़चु़मिमकु दिदामडा बर्तो लम्डी।
मेर्मिमका मेर्चिपलाई देन्दे ग्वामु मेजो़पा ल्वा हाम वो मेल्वामिवामका ङिम साट्मिडिचिमा थु़र्सोम्डिची। हेङालोने हाम खारी दु़स्ताम बाइडा मेरामकु दुथाम खोत्ले मु़चु़मिमका माम्चु़नीकु नङ कोम्डिम बाम्डी।
थु़र्मामिम छो़म सोनुङमा दु़म्तो येशू सिमुलाम आच्छाङा बम्गेम्डिम ङा र्वाक्साका हेल्लो लोवो सो़मु चो़म्मिडी, मा मेर्मिमडला माम्चु़नीकु दिदाम छो़म डोक्पु बाइडा।
मेमङा लोवो मेर्मिमका गुमीलाई सेन्मु बासिक्पा ल्वा हाम वो मेडार्मिवा, हेङालोने खोत्ले मु़चु़मिमका गुमीका सीट्मिडिम ल्वा न सोक्साका जो़होमका थो़म्थाल्मिडी।
लावो मेर्चिपकु सिजेम थो़पामिमगोडा हापाका ङा थो़र लु़म्डी, मा मे थो़रलु़पा मु़चु़मिम ङो धु़मसङ (५,०००) कोति दु़म्मिडी।
मेमबिलि येशूडा थो़रलु़पा मु़चु़मिम छो़म हापा दु़म्तो लम्डी। मेकोतिलो हिब्रू ल्वा जेपा थो़रलु़पामिमकु कोर्थो़लाम ग्रीक ल्वा जेपा थो़रलु़पामिमका सु़म्बुर्मा किन्मु चो़म्मिडी। हेङालोने हेल्लो लोवो पोमु दो़म्थाल्मिडिलो मेर्मिमगोडाम अर्दोमेमिमडला चोमिक्सी बेम्थाल्मिडी।
माम्चु़नीकु सिजेम खोत्लेथो़ फोन्सिक्तो लस्ता। मेकोतिमा सीसिपामिम यरूशलेमडा छो़म बर्मिडी, मा डु़म्लाचो़मिमगोडाम वो हापाका माम्चु़नीडा थो़रलु़म्डी।
मेकोतिमा यहूदिया, गालील, सामरियाडाम खोत्ले मण्डलीडाम मु़चु़मिम उनी न भ्रसिक्तो बाम्डी। मेर्मिमका माम्चु़नीकु ङिम जु़ल्मिडी, मा माम्चु़नी-पेललामका उनी सो हन्डामा बर्तो लम्डी।
मेकोतिमा लुड्डा नुङ शारोनडाम खोत्ले मु़चु़मिमका एनियास सस्ताम ल्वाम्डिमा येशूडा थो़रलु़म्डी।
मे थो़रलु़पामिमडला माम्चु़नीकु यु़म बाइडा, मा मे वाङसामामिम हापाका ङा थो़र लु़म्डिमा माम्चु़नीथो़ ख्लोम्सिम्डी।
पावल नुङ बारनाबास कोयोङा आइकोनियनडाम यहूदीमिमकु घ्रो़म्दीनेमडा लक्ची। मेसिन्डा मेर्चिप छो़म जो़पा जेच्चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्डी।
पावल नुङ बारनाबासका मेराम शहरडा जो़पा-सेला थो़बेच्चिमिमा सेर्पा सीसिपामिम दु़म्बेट्चिमी। मेकोतिमा मेर्चिप लुस्त्रा, आइकोनियन शहर नुङ पिसिदियाकु एन्टिओखिया शहरडा ख्लोसिक्ची।
मेम्मिमका ओर्मिमगोडाम हापाका येशूडा थो़र लु़म्डी। मेकोतिमा नङ धोपा ग्रीक मेसेममिम नुङ ग्रीक वोस्चो़मिम वो हापाका येशूडा थो़र लु़म्डी।