थु़र्मा 2:4 - थुलुङ राई

⁴ मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

थु़र्मा 2:4 Referans Kwoze

मर्कूस 16:17

थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

१ कोरिन्थी 12:10

पेलका कोङ मु़चु़लाई यु़मखारीमिम बेपा यु़म ग्‍वाकु़, मा कोङनिमलाई माम्‍चु़नीलाम जेपा ल्‍वा, कोङनिमलाई पेललाम रोक्‍पा राप्‍लावा छेमु चापा, कोङनिमलाई वाङ-वाङ ल्‍वाडा जेमु चापा, कोङनिमलाई वाङ-वाङ ल्‍वाडा जेम्‍डिम ल्‍वाकु दुथाम सो़मु चापा राप्‍लावा ग्‍वाक्‍सामी।

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।

थु़र्मा 10:46

हेङालोने वाङसामामिमका वाङसामा ल्‍वाडा माम्‍चु़नीकु नङ कोक्‍तोङा बेम्‍डिम मेर्मिमका थो़म्‍डी। मेकोतिमा पत्रुसका र्‍वाक्‍ता,

थु़र्मा 9:17

मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”

थु़र्मा 7:55

लावो स्‍तिफनस ने माम्‍चु़नी-पेलका लु़न्‍स्‍तामा पाह्रीथो़ किकिर्या रेप्‍डु़। मेकोतिमा गुका माम्‍चु़नीकु यु़म-झ्‍वाक्‍सी नुङ माम्‍चु़नीकु जो़पलाम येम्‍तासिट्‌मिडिम येशूलाई ल्‍वास्‍तु़।

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

१ कोरिन्थी 13:8

रिखाम हेल्‍लो वो मेदाम, लावो माम्‍चु़नीलाम जेसीमिम दाम, ल्‍वामिम दाम, नेप्‍ची दाम।

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

थु़र्मा 13:9

लावो पावल र्‍वाकिमिम शाऊल माम्‍चु़नी-पेलका लु़न्‍स्‍ता, मा एलुमासथो़ रेप्‍डु़म-रेप्‍डु़म ङा बु़डु़।

थु़र्मा 2:11

क्रेट नुङ अरबडा बाट्‌पामिम वो बुइ, मा हेसाका गुइ इकी त्‍वा-त्‍वाहोम ल्‍वाडा मेर्मिमका माम्‍चु़नीकु छो़म डोक्‍पु यु़मखारीकु दुथाम सो़मिम बुमिमिम गुइ थो़सीमिम बुइ!”

लूका 12:12

हेङालोने हाम र्‍वामु बासिक्‍पा ल्‍वा माम्‍चु़नी-पेलका मेकोतिलोङा गानीलाई सीनी।”

१ कोरिन्थी 14:18

गो माम्‍चु़नीलाई आलासो़ र्‍वाङु, हेङालोने सामामिमकु ल्‍वाडा गानीडाम गो हापा जेङु।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

थु़र्मा 4:8

पत्रुस माम्‍चु़नी-पेलका लु़न्‍स्‍तामा मेर्मिमनुङ र्‍वाक्‍ता, “ए मु़चु़मिमकु साखामचो़ नुङ ङाउनी,

यूहन्‍ना 20:22

आकोति र्‍वाम्‍डिमा गुमीका मेर्मिमडला सामका होट्‌मिडिमा र्‍वाम्‍डी, “माम्‍चु़नी-पेल रनी।

लूका 4:1

येशू माम्‍चु़नी-पेलका लु़न्‍सिम्‍डी, मा यर्दन ब्‍लोकुलामका ख्‍लोम्‍सिम्‍डी। मेकोतिमा माम्‍चु़नी-पेलका गुमीलाई र्‍याङगो-र्‍याङगोथो़ लम्‍डी,

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ कोरिन्थी 14:5

गानी खोत्‍लेका मे वाङ सामा ल्‍वाडा जेनी र्‍वाक्‍पा न बेउ, लावो मेरामडाम वो माम्‍चु़नीलाम जेनिमिम न बेउ। मण्‍डली यु़मनुङमा दु़म्‍तो लमुकाम लागि वाङ सामा ल्‍वाडा जेम्‍मा ल्‍वाकु दुथाम सो़मु चापा मु़चु़ सु़ वो मेबुमी माला वाङ सामा ल्‍वाडा जेमुडाम ने माम्‍चु़नीलाममिम जेसीङा जो़पा सो़।

थु़र्मा 11:15

“गो जेमु चो़म्‍तोलो ङादो गुइडला योम्‍डिम होम्‍साका ङा मेर्मिमडला वो माम्‍चु़नी-पेल योम्‍डी।

थु़र्मा 6:5

ओराम ल्‍वा खोत्‍लेकु नडा लस्‍ता, मा मेसिन्‍डा खोम्‍सिट्‌पा खोत्‍लेङा बिम्‍सिम्‍डी। मेम्‍मा माम्‍चु़नी-पेलका लु़न्‍सिपा नुङ खोत्‍लेका थो़रलु़म्‍डिम स्‍तिफनस, फिलिप, प्रखरस, निकनोर, तीमोन, पर्मिनास नुङ एन्‍टिओखियाडाम चङ्‌डा यहूदी दु़म्‍पा निकोलाउसलाई मेर्मिमका छेट्‌मिडी।

थु़र्मा 6:3

मेम्‍मिमका ए वा-ल्‍वाकनी, खोत्‍ले मु़चु़मिमका द्‌वामिमिम नेप्‍चीनुङमा नुङ माम्‍चु़नी-पेलका लु़न्‍सिपा येतले मु़चु़ गानीगोलामका ङा छेनिमी, मा मेर्मिमलाई गुकु ओराम खारी बोमु थुकु।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

लूका 1:15

हेङालोने गु मिप्रङमाकु मिक्‍सीलामडा डोक्‍पु दु़म। गुका अङ्‍गूरकु ग्‍वाल नुङ डु़ हेल्‍लो वो मेडुङु़। उ मामकु ङेलगोनो बुलो आथामङा गु माम्‍चु़नी-पेलका लु़न्‍सिक्‍पा दु़म।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

एफिसी 3:19

खोत्‍ले थेसी-चक्‍सी नुङ नेप्‍चीका मिम्‍मु मेचापा ख्रीष्‍टकु रिखाम गानी थेसिथेट्‍नी, मा इनीमा खोत्‍ले बासी-दोसीडा माम्‍चु़नीका द्‍वाक्‍पा मु़चु़ दु़म्‍निनु़ र्‍वाक्‍साका सो़म्‍दी बेउ।

थु़र्मा 11:24

बारनाबास कोङ जो़पा मु़चु़ बाइडा। गु माम्‍चु़नी-पेलका लु़न्‍सिट्‌पा नुङ डोक्‍पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्‍चु़नीडा रेड्‌डु़मी।

थु़र्मा 6:8

स्‍तिफनसकाडा माम्‍चु़नीकु दिदाम नुङ यु़म छो़म बाइडामका मु़चु़मिमगोडा छो़म डोक्‍पु-डोक्‍पु छेखोपमिम नुङ यु़मखारीमिम बु़डु़।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

लूका 1:67

यूहन्‍नाकु पाप जकरिया माम्‍चु़नी-पेलका लु़न्‍सिड्‌डा, मा माम्‍चु़नीलाम जेमु चो़म्‍डु़,

लूका 1:41

मरियमका सेव र्‍वाक्‍ताम थो़स्‍तु़ मेडे एलीशिबाकु ङेलगोनो बाट्‌पा चो़च्‍चो़ दोस्‍ता, मा एलीशिबा माम्‍चु़नी-पेलका लु़न्‍सिड्‌डा,

मत्ती 10:19

लावो गानीलाई चु़म्‍निलो हाम र्‍वामु, मा हेसाका जेमु र्‍वाक्‍साका मिम्‍ताम-सो़र्ताम मेबेनी। माम्‍चु़नीका गानीलाई जो़पा थारीका घ्रेट्‌पा सिजेम ग्‍वानी।

२ पत्रुस 1:21

हेङालोने माम्‍चु़नीलाममिम जेसी हेल्‍लो वो मु़चु़कु नलामका लुक्‍ताम मेएँ, लावो माम्‍चु़नी-पेलका जेबेट्‌मिडिमा मु़चु़मिमका माम्‍चु़नीलाम जेम्‍डिम बाइडा।

थु़र्मा 2:3

लेममिम होप्‍माम मुकु भुल्‍मु मेर्मिमकाडा रेम्‍बेम्‍सिम्‍डी, मा दो़सिक्‍साका मेर्मिम खोत्‍लेडला झुम्‍डी।

थु़र्मा 8:17

पत्रुस नुङ यूहन्‍नाका मेर्मिमडला उची ल्‍वा जु़ल्‍ची, मा मेर्मिमडला माम्‍चु़नी-पेल योम्‍डी।

थु़र्मा 10:47

“गुइ होङङा माम्‍चु़नी-पेल रपा ओर्मिम मु़चु़लाई कु-रु़दु़म रमु सु़का भोम्‍मु चाप्‍सु़ मा?”

थु़र्मा 15:8

न-गोडाम ल्‍वा चक्‍पा माम्‍चु़नीका मेर्मिमलाई वो गुइलाई होम्‍साका ङा उनी पेलका लु़ट्‌मिडी, मा गुमीका मेर्मिमलाई रम्‍डिम ल्‍वा रेम्‍बेम्‍डी।