थु़र्मा 2:38 - थुलुङ राई

³⁸ पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

थु़र्मा 2:38 Referans Kwoze

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

थु़र्मा 8:12

लावो फिलिपका मेर्मिमलाई माम्‍चु़नीकु किब्‍दीकु दुथाम नुङ येशू ख्रीष्‍टकु नङकु दुथाम जो़पा-सेला थो़बेड्‌डु़मी, उमा ल्‍वा थो़म्‍डिमा वोस्‍चो़-मेसेममिमका येशूडा थो़रलु़म्‍डिमा कु-रु़दु़म रम्‍डी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

थु़र्मा 10:48

मेकोतिमा पत्रुसका कर्नेलियस नुङ उमा नेमडा बाट्‌पा मु़चु़मिमलाई येशू ख्रीष्‍टकु नङडा कु-रु़दु़म ग्‍वाबेड्‌डु़मी। मेम्‍मा मे वाङसामामिमका पत्रुसलाई कोलेम-नलेम मेसिङा बुमु र्‍वाम्‍डिम-र्‍वाम्‍डिम ङा बेम्‍डी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

रोमी 6:3

गुइ खोत्‍ले थो़रलु़पामिमका येशू ख्रीष्‍टडा कु-रु़दु़म रङ्‌डिम बु, मेम्‍मिमका गुमीनुङ कोले दु़म्‍साका गुइ वो सिइडी र्‍वाक्‍पा ल्‍वा हाम गानी मेचनी?

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

मर्कूस 1:15

गुमीका र्‍वाम्‍डी, “थारी रोम्‍फामु दु़म्‍स्‍तु़म बु, मा माम्‍चु़नीकु किब्‍दी वो फार्डा ङा रोक्‍फाड्‌डाम बु। मेम्‍मिमका इनी न ख्‍लोनी, मा जो़पा-सेलाडा थो़र लु़नी।”

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 8:20

लावो पत्रुसका मेरामनुङ र्‍वाक्‍ता, “गाना नुङ इमा खउलुङ निफि ङा पुयु़ लुची। हेङालोने माम्‍चु़नीकु र्‍वाप्‍लावा खउलुङडा भ्रेमु ल्‍वासी र्‍वाक्‍पा मिम्‍ना।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

लूका 3:10

मे सेर्पा मु़चु़मिमका यूहन्‍नानुङ हिलाबेम्‍डी, मेम्‍माला गुकु हाम बोमु बासी?

थु़र्मा 10:43

उहेमका येशूडा थो़र बु़, मेरामकु छु़लमिम येशूकु नङका हेम्‍सिट्‌मी र्‍वाक्‍साका खोत्‍ले माम्‍चु़नीलाम-जेपामिमका र्‍वाम्‍डिम बु।”

थु़र्मा 13:38

“मेम्‍मिमका वा-ल्‍वाकनी, येशूका छु़ल हेम्‍मी र्‍वाक्‍साका गानीलाई सो़म्‍मा ल्‍वा चनी र्‍वाक्‍पा आमा न बु।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।