Biblia Todo Logo
Bib sou entènèt

- Piblisite -




थु़र्मा 2:22 - थुलुङ राई

22 “इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

Gade chapit la Kopi




थु़र्मा 2:22
42 Referans Kwoze  

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”


इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।


लावो गो माम्‍चु़नीकु यु़मका मुनाङपेल कोलु़ माला गानीगोडा माम्‍चु़नीका साखाम थो़पा थारी रोक्‍ल्‍याड्‌डाम बु।


लावो गो माम्‍चु़नीकु यु़मलामका मुनाङ कोल्‍तोङा बेउ माला गानीगोडा माम्‍चु़नीकु किब्‍दी रोक्‍फाड्‌डाम बु।


सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।


माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।


गो गानीगोडा छो़म इम्‍सिक्‍साकानुङ हापा छेखोपमिम, हेल्‍लो वो मेल्‍वाम्‍मा नुङ यु़मनुङमा खारीमिम बेसाका गो येशू ख्रीष्‍टकु थु़र्मा र्‍वाक्‍पा ल्‍वा रेम्‍बेट्‌निनिम बु।


गो हप अग्रिपासकु ङादोडा मेङिसाका जेत्तोङा लेट्‌पु, हेङालोने हपका उनी त्‍वाका ङा ओर्मिम ल्‍वाकु दुथाम चमी। ओराम ल्‍वा थसिसाका बेम्‍मा मेएँ, ओर्मिमगोडा कोल्‍ले वो ल्‍वा गुमीडाम थक्‍मा मिबु।


“नासरतडाम येशूडा थो़रलु़पामिमलाई छो़म उनीमा थो़मतेर्सामुमिबासी र्‍वाक्‍पा गो वो मिम्‍तोम बाइडा।


ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।


मेकोतिमा गो र्‍वाङ्‌डो, ‘ङाचो़, गानी सु़?’ “मेकोतिमा गुमीका गोनुङ र्‍वाम्‍डी, ‘गो नासरतडाम येशू, आमा थो़म गाना तेर्तोङालेनामिम बु।’


मेकोतिमा मेर्मिम आरे र्‍वाक्‍तो येम्‍डी, “इस्राएलडाम वा-ल्‍वाकनी, ख्‍लो़किनी! मु़चु़मिमलाई बान्‍तेमेनो इकीमा सामा, इकीमा डु़म्‍ला मा इकीमा सो़रनेमकु कोर्थो़लाम सीप्‍बाल्‍पा मु़चु़ ओराम ङा सो़। मेकोति कोङङा मेएँ, ओरामका ग्रीक वाङसामामिमलाई वो सो़रनेमगोडा रेड्‌डु़मी, मा माम्‍चु़नीकु सो़रनेमलाई मेसेपा दु़म्‍बेड्‌डु़म बु।”


मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।


मेकोतिमा पावल येम्‍स्‍तामा उ ल्‍वा थो़त्तो र्‍वाक्‍ता, “ए इस्राएलडाम मु़चु़ नुङ माम्‍चु़नीकु ङिम जु़ल्‍पानी, थो़नी,


हेङालोने ओरामका आरे र्‍वाक्‍ताम गुकु थो़त्तोकोम बु, ‘नासरतडाम येशूका ओराम सो़रनेम फाल्‍मी, मा मोशाका गुइलाई ग्‍वाक्‍साड्‌डाम डु़म्‍ला वो वाङमी ङा दु़म्‍बेन्‍मी’।”


मेकोतिमा गुका डोक्‍पु घ्रो़म्‍दीडाम मु़चु़मिमनुङ र्‍वाक्‍ता, “इस्राएलडाम मु़चु़नी, ओर्मिम मु़चु़लाई गानी हाम बोमु खाम्‍निमिम बु, मेराम इनी त्‍वाका ङा जो़होमका मिम्‍नी सो़!


मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?


पिलातसका कोङ छेखोप येशूकु बुइकुडला केप्‍डु़म बाइडा। मेसिन्‍डा: “नासरतडाम येशू यहूदीमिमकु हप” र्‍याक्‍मा बाइडा।


मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।


गुमीका लाजरसलाई सु़लु़मलामका येट्‌मिडिमा सिमुलाम फक्‍मिडिलो गुमीनुङ बाट्‌पा मु़चु़मिमका ओराम ल्‍वाकु दुथाम सो़म्‍डिम बाम्‍डी।


मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।


आमा पापका बोमिमिम होप्‍माम खारी गो मेबेउ माला गोलाई थो़र मेबेङिनी।


गुमी माम्‍चु़नीलाम मेयोक्‍मिवाम माला ने गुमीका हाम वो बोमु मेचाप्‍मिवा।”


आथावो सेर्पा मु़चु़मिमगोडाम हापा मु़चु़मिमका गुमीडला थो़रलु़म्‍डी। मेम्‍मा मेर्मिमका र्‍वाम्‍डी, “ख्रीष्‍ट योमिलो ओराम मु़चु़का बु़डु़मडाम वो हाम हापा डोक्‍पु यु़मखारीमिम बोमी मा?”


फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”


येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”


“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।


येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”


फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”


मेर्चिपगोडाम क्‍लेओपास र्‍वाक्‍माका गुमीनुङ र्‍वाक्‍ता, “यरूशलेमलामका खिर्सिट्‌निमा रोक्‍नीमा वो आनेप-दिका मेसिन्‍डा हाम दु़स्‍ताम बु र्‍वाक्‍पा गानी मेचनिमिम?”


मा नासरत र्‍वाक्‍मा देलडा बाइडा। माम्‍चु़नीलाम-जेपामिमका आरेसाका र्‍वाम्‍डिम रोक्‍थिड्‌डा: “गुमीलाई नासरी र्‍वामी।”


गो उगेले धामुडा यु़मखारीमिम रेम्‍बेउ, उधाली सुबुडा सिसि, मु नुङ मुसिक्‍पा कुयु़कुमिमकु छेखोपमिम रेम्‍बेउ।


मे थु़र्मामिमका यु़मखारीमिम नुङ छेखोपमिम रेम्‍बेम्‍डिमका मेर्मिम खोत्‍ले माम्‍चु़नीनुङ ङिम्‍डी।


मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”


मे मु़चु़मिमका मेरामलाई र्‍वाम्‍डी, “नासरतडाम येशू ओभालङा लक्‍तोङा लेन्‍मी।”


Swiv nou:

Piblisite


Piblisite