थु़र्मा 2:20 - थुलुङ राई

²⁰ माम्‍चु़नीकु छो़म डोक्‍पु यु़म-झ्‍वाक्‍सी रोमु थारी ङादो नेप्‍सुङ केकेया दु़म, ख्‍लो़मु सिसि होप्‍माम लालाया दु़म।

थु़र्मा 2:20 Referans Kwoze

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

मत्ती 24:29

“मे दु़खा दु़म्‍पानेमकु चङडा दालाङा ‘नेप्‍सुङ केकेया दु़म, ख्‍लो़मुकु ओल मेदो़, धामुलामका सोरलुङमिम आल्‍मी, मा धामुला बाट्‌पामिम खोत्‍ले रुडु़मी।’

१ थेसलोनिकी 5:2

हेङालोने खुचु़वा सिन्‍था रोमिम होङङा चमवो मेलु़मिमनेम ङाचो़ येशू योमी र्‍वाक्‍पा गानी जो़होमका चनी।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

लूका 21:25

“ख्‍लो़मु, नेम्‍सुङ मा सोरलुङमिमगोडा हेल्‍लो वो मेल्‍वाम्‍मा छेखोपमिम दो़। मेम्‍मा दिरिदिनडाम कुकु बाबारिम नुङ ब्‍लोजु़का सुबुडाम खोत्‍ले मु़चु़मिम ङिमी मा मिम्‍ताम-सो़र्ताम बोमी।

मर्कूस 13:24

“लावो मे डोक्‍पु दु़खानेम-थारी दु़म्‍मिम चङडा नेप्‍सुङ केकेया दु़म, मा ख्‍लो़मुकु ओल वो दाम।

रेम्‍बेट्‌मिडिम ल्‍वा 16:8

मेम्‍मा ब्‍लनोम पाह्रीचो़का नेम्‍सुङडला उ कान्‍चु़रे अयु़डु़ मा मु़चु़मिमलाई मुका घ्रु़बेट्‌पा साखाम नेम्‍सुङका ल्‍वास्‍तु़।

रेम्‍बेट्‌मिडिम ल्‍वा 6:12

भेन्‍दाचो़का रुनोम छाप पिम्‍डिम गो ल्‍वाउतो मा मेसिन्‍डा कोङ डोक्‍पु सुबुरुक्‍पा रोक्‍ता। नेम्‍सुङ तुकुम्‍चिम होप्‍माम केकेया दु़स्‍ता मा ख्‍लो़मु सिसि होप्‍माम लालाया दु़स्‍ता।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

मत्ती 27:45

नेम्‍फुम को-न (१२) जेस्‍तालो आथाम सु जेस्‍तामसम्‍म खोत्‍लेथो़ तुकुम्‍चिमका हुप्‍डु़।

थु़र्मा 2:19

गो उगेले धामुडा यु़मखारीमिम रेम्‍बेउ, उधाली सुबुडा सिसि, मु नुङ मुसिक्‍पा कुयु़कुमिमकु छेखोपमिम रेम्‍बेउ।

थु़र्मा 2:21

लावो उहेमका माम्‍चु़नीकु नङ रङु़, मेराम सेल्‍सिमु ल्‍वासु़।’