थु़र्मा 2:17 - थुलुङ राई

¹⁷ ‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

थु़र्मा 2:17 Referans Kwoze

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

लूका 3:6

मा माम्‍चु़नीका मु़चु़मिमलाई सेल्‍मिमिम खोत्‍लेका ल्‍वामी’।”

थु़र्मा 21:9

मेरामकाम लालीकुन्‍दा मेबेथिङा बाट्‌पा ब्‍लले जाउमोचो़मिम बाम्‍डी, मेर्मिमका माम्‍चु़नीलाम जेम्‍थाल्‍मिडी।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

१ कोरिन्थी 12:10

पेलका कोङ मु़चु़लाई यु़मखारीमिम बेपा यु़म ग्‍वाकु़, मा कोङनिमलाई माम्‍चु़नीलाम जेपा ल्‍वा, कोङनिमलाई पेललाम रोक्‍पा राप्‍लावा छेमु चापा, कोङनिमलाई वाङ-वाङ ल्‍वाडा जेमु चापा, कोङनिमलाई वाङ-वाङ ल्‍वाडा जेम्‍डिम ल्‍वाकु दुथाम सो़मु चापा राप्‍लावा ग्‍वाक्‍सामी।

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

याकूब 5:3

इनीमा सो़ना, मतोमिम घ्‍लो़स्‍तामा पारिमिम दु़स्‍ताम बु। मेरामङा गानी रारी बेन्‍निमकु दुथाम मेजो़पा सो़पा दु़म, मा मुका होम्‍साका इनीमा मिरो़म मेरामका पु़। हुक्‍पाथारीका गानी इनीमा खाप्‍ची फुट्‌निम बु।

थु़र्मा 11:28

मेर्मिमगोडाम कोले अगाबस र्‍वाक्‍माका येम्‍स्‍तामा खोत्‍ले सु़म्‍दिसेरडा ङा मा-के हुमुथारीकु दु़खा रो र्‍वाक्‍साका माम्‍चु़नी-पेललाम जेस्‍ता। मे मा-के हुमुथारीकु दु़खा रोमी हप क्‍लौडियसका साखाम थो़ड्‌डु़म थारीका दु़स्‍ता।

थु़र्मा 2:16

लावो माम्‍चु़नीलाम-जेपा योएलका आरेसाका र्‍वाक्‍ताम बु:

थु़र्मा 2:18

मेम्‍लोका गो आमा डु़ल्‍चो़ डु़ल्‍चु़मेमिमडला आमा पेल थु़रु़, मा मेर्मिमका माम्‍चु़नीलाम-जेमी।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

थु़र्मा 11:27

मेराम थारीका माम्‍चु़नीलाम-जेपामिम कोले नले यरूशलेमलामका एन्‍टिओखिया शहरयु़ योम्‍डी।