Biblia Todo Logo
Bib sou entènèt

- Piblisite -




थु़र्मा 19:9 - थुलुङ राई

9 लावो कोङ-कोङका लुङ होप्‍माम उनी न-गो बेम्‍डिमा थो़र मेलु़साका माम्‍चु़नीकाम सिजेमकु कोर्थो़लाम खोत्‍लेकु ङादोडा मेजो़पा जेमु चो़म्‍मिडी। मेम्‍मिमका पावल सीसिपामिमनुङ मेलामका लुक्‍ल्‍याड्‌डा, मा टुरान्‍नसकु सीखोप नेमगोडा लक्‍साका हेल्‍लो लोवो सीथाल्‍लु़मी।

Gade chapit la Kopi




थु़र्मा 19:9
39 Referans Kwoze  

मेराम थारीबिलि ङा एफिसस शहरडा ख्रीष्‍टकु लाम्‍दीकु दुथाम छो़म येम्‍डी-दुम्‍डी।


मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।


लावो मेर्मिम मु़चु़का उनी त्‍वाकाङा थेसिमेथेट्‌मिमिम ल्‍वाकु दुथाम मेजो़पा जेमी। मेर्मिम ने मेमिम्‍साका खारी बेपा मा चु़म्‍मुमिमा सेन्‍मुमि लागि कोङङा गम्‍डिम सो़ब्‍दीपोमिम होप्‍माम बुमी। मेर्मिम मु़चु़ सो़ब्‍दीपोमिम होङङा सिमी।


लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।


लावो ओर्मिम मु़चु़का उनी त्‍वाकाङा मेचमिमिम सेम्‍ला बेन्‍मी। न मेबाट्‌पा हादी-बारामिम होङङा मेचक्‍साका बोमिमिम खारीलामकाङा मेर्मिम छो़रो़प दु़म्‍मी।


हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।


हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।


आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।


मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।


मेम्‍मिमका माम्‍चु़नीका सु़डला न-थो़म रेम्‍बोमु न बोमी मेरामडला ङा न-थो़म रेम्‍बोमी मा गुमीका उहेम मु़चु़कु न-गो लुङ होप्‍माम दु़म्‍बेन्‍मु न बोमी मेरामलाई मेम ङा बोमी।


गो ओराम लाम्‍दीडा लाम्‍दिपा मु़चु़मिमलाई उनी सिमुथारीसम्‍म थो़मतेर्साक्‍तोमी। मेकोतिमा वोस्‍चो़-मेसेममिमलाई बसाका झ्‍यालखानडा चक्‍थाल्‍तोमी।


“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।


जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।


माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।


एशियाडा बाट्‌पा हापा मु़चु़मिमका गोलाई ङेट्‌ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।


लावो गानी हाम र्‍वामु माल्‍निमिम बु, मेराम थो़मु आकीमा न बु। हेङालोने ओराम दलकु कोर्थो़लाम खोत्‍लेका बान्‍तेमेनो जेम्‍बाल्‍मि र्‍वाक्‍पा कोङङा गुकु चकुमिम बु।”


लावो ओर्मिमकु ङादोडा येम्‍सिङ्‌डोमा कोले ल्‍वा र्‍वाङ्‌डोम बाइडा। मेराम, ‘मु़चु़मिम सिमुलामका बम्‍गेट्‌मी र्‍वाक्‍पा ल्‍वाडा गो थो़र लु़ङुमिमका इनीमा ङादोडा हिलाहिसी बेप्‍डा रेट्‌ङिडिमिम बु’।”


मेम्‍मिमका ओराम ल्‍वा मिम्‍निमा चङचङया बानी वो! गो हेसाका सु थसम्‍म नेम्‍फु-सिन्‍था ख्राप्‍तो खोत्‍ले मु़चु़मिमलाई चङचङया बाबेत्तोमिम बाइडा।


पावल वो सेर्पा मु़चु़मिमकु ङादोडा लमुमा मु़चु़मिमनुङ जेमु न बु़डु़, लावो सीसिपामिमका गुलाई मेथु़र्मिवा।


मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।


बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।


“गुमीका मेर्मिमकु मिक्‍सी ड्‌याम्‍साम्‍डिम बु, मा मेर्मिमकु न-गो लुङ होप्‍माम बनेबेम्‍साम्‍डिम बु। मेएँ माला ने मेर्मिमका उनी मिक्‍सीका ल्‍वामी मा न-गोका थेसिथेन्‍मी, मा आमाडा ख्‍लोसिमिमा समी।”


मे सेर्पा मु़चु़लाई येशूका र्‍वाम्‍डी, “हाम गो कोर्थो़लाम बक्‍पा ङिमलु़पा मु़चु़ मा! कातु़रु़मिम नुङ डु़लु़म्‍चो़मिम रेसाका गोलाई चु़म्‍डा रोक्‍निम? गानी गोलाई हेङा सो़रनेमगोडा मेचु़म्‍ङिनिवा? सीत्तो हेल्‍लो लोवो गो मेसिन्‍डाङा बाङडोम बाइडा।


छु़लचो़ नुङ नाम्‍सु़रु़ बेपा ओराम थारीकु मु़चु़मिमका छेखोप रेम्‍मु माल्‍मी, लावो मेर्मिमका योनाकु छेखोप कोङङा रेम्‍मु ल्‍वामी।” मेकोतिमा येशूका मेर्मिमलाई पार्जो़ल्‍मिडिमा लम्‍डी।


मेम्‍मिमका मेर्मिमकामथो़ न-मेसोमी। मेर्मिम ने मिक्‍सीका मेल्‍वापामिमलाई क्रिपा मिक्‍सीका मेल्‍वापामिम सो़। मिक्‍सीका मेल्‍वापाका मिक्‍सीका मेल्‍वापालाई क्रियु़ माला निफिङा पोलु़मगोयु़ वाम्‍ची।”


आमा कोर्थो़लाम बक्‍पा मु़चु़ हापाङा बुमी लोवो आसिन्‍डा ङाचो़कु डोक्‍पु खारी बोमु लागि जो़पा थारी ल्‍वाउतोम बु।


Swiv nou:

Piblisite


Piblisite