थु़र्मा 19:35 - थुलुङ राई

³⁵ चङडा शहरडाम सचिवका मे सेर्पा मु़चु़मिमलाई लिबा बाबेड्‌डु़मी, मा बु़डु़मी, “एफिससडाम मु़चु़नी, एफिसीमिमकु शहर ने घ्‍ल्‍वापा आर्तेमिसकु सो़रनेम नुङ धामुलाम आल्‍पा उ ङाटा जो़होमका बोपा-थार्पा र्‍वाक्‍पा ल्‍वा सु़का मेचवाम बु मा?

थु़र्मा 19:35 Referans Kwoze

१ तिमोथी 4:2

लिमा थेट्‌पा मु़चु़मिमकु न घ्रु़पा सेलका घ्रु़डामा मिनी मिक्‍सीलामडा जो़पा लिसिक्‍पा रेम्‍बेसाका वायम डमी।

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

यूहन्‍ना 9:31

माम्‍चु़नीका छु़लचो़मिमकु ल्‍वा मेथो़मी र्‍वाक्‍साका गुइ च। माम्‍चु़नीकु न होम्‍साका उनीमा लाम्‍दीडा लाम्‍दिपा मु़चु़कु ल्‍वा गुमीका थो़मी।

थु़र्मा 19:34

लावो मेर्मिमका गु ने यहूदी र्‍वाक्‍पा चम्‍डी, मा खोत्‍ले कोङ सि दु़म्‍साका नक घण्‍टासम्‍म, “एफिसीमिमकु आर्तेमिस डोक्‍पु बुमी!” र्‍वाक्‍तो डोक्‍पु लो़लामका येम्‍डी।

थु़र्मा 19:36

ओराम ल्‍वा सु़का वो मेएँ र्‍वामु मेचाम्‍मी र्‍वाक्‍पा ल्‍वा ने गानी चनिमिम ङा बु, मेम्‍मिमका गानी मेङाल्‍नी, इम्‍निमा बानी।