थु़र्मा 19:34 - थुलुङ राई

³⁴ लावो मेर्मिमका गु ने यहूदी र्‍वाक्‍पा चम्‍डी, मा खोत्‍ले कोङ सि दु़म्‍साका नक घण्‍टासम्‍म, “एफिसीमिमकु आर्तेमिस डोक्‍पु बुमी!” र्‍वाक्‍तो डोक्‍पु लो़लामका येम्‍डी।

थु़र्मा 19:34 Referans Kwoze

थु़र्मा 19:28

ओराम थो़म्‍डिमा मेर्मिम उनी छोक्‍चोका प्‍लोडु़मी, मा “एफिसीमिमकु आर्तेमिस डोक्‍पु बुमी!” र्‍वाक्‍तो येम्‍डी।

रेम्‍बेट्‌मिडिम ल्‍वा 13:4

मु़चु़मिमका मे डोमिफु सेव साट्‌मिडी, हेङालोने मेरामका हादीबारालाई साखाम ग्‍वाक्‍तु़म बाइडा। मेर्मिमका मे हादीबारालाई वो सेव साट्‌मिडी मा र्‍वाम्‍डी, “ओ हादीबारा होप्‍माम सु़ बु, मा ओरामनुङ सु़का क्‍वाल्‍बा बोमु चाप्‍सु़?”

थु़र्मा 16:20

मेर्मिमका मेर्चिपलाई मे रोमी साखामचो़मिमकाडा रेट्‌मिडिमा र्‍वाम्‍डी, “ओर्चिप यहूदीचिप ङाल्‍चिमा इकीमा शहरडाम मु़चु़मिमलाई छो़म दु़खा ग्‍वाक्‍तोङा लेन्‍चिमिम बु।

मत्ती 6:7

“गानी सो़म्‍दी बोनिलो माम्‍चु़नी मेछेपा मु़चु़मिमका होङङा न ना थो़मका सो़म्‍दी मेबेनी। हापा ल्‍वामिम सो़साका सो़म्‍दी बिइलो माम्‍चु़नीका थो़मी र्‍वाक्‍पा मेर्मिमका मिम्‍मी।

रोमी 2:22

वाङमिमलाई नाम्‍सु़रु़ मेबेनी र्‍वाक्‍पामिमका त्‍वाका ङा नाम्‍सु़रु़ बोनी? ङाटामिम घ्राम्‍सिक्‍पामिमका ङाटामिम भ्रेसाका खाप्‍ची डु़म्‍नी?

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

थु़र्मा 19:24

हेङालोने मतोकु खारी बेपा डेमेत्रियस नङकाम कोले मु़चु़ बाइडा। मेरामका आर्तेमिस नो़पमाकु याक्‍के-याक्‍केतो मतोकु सो़रनेम होप्‍माम बनेबु़थाल्‍लु़, मा मत्तोकु खारी बेपामिमलाई छो़म खउलुङ डु़प्‍साड्‌डु़मिम बाइडा।

थु़र्मा 19:33

मे यहूदीमिमका अलेक्‍जेन्‍डर र्‍वाक्‍मालाई खोत्‍ले मु़चु़मिमकु ङादोनो येम्‍सिबेट्‌मिडी। मेकोतिमा मेर्मिमगोडाम कोङ-कोङका हाम-हुम सो़नी र्‍वाक्‍साका गुनुङ र्‍वाम्‍डी। अलेक्‍जेन्‍डरका उ ल्‍वा थो़त्तो मे मु़चु़मिमनुङ हाम-हुम सो़मु माल्‍लु़।

थु़र्मा 19:35

चङडा शहरडाम सचिवका मे सेर्पा मु़चु़मिमलाई लिबा बाबेड्‌डु़मी, मा बु़डु़मी, “एफिससडाम मु़चु़नी, एफिसीमिमकु शहर ने घ्‍ल्‍वापा आर्तेमिसकु सो़रनेम नुङ धामुलाम आल्‍पा उ ङाटा जो़होमका बोपा-थार्पा र्‍वाक्‍पा ल्‍वा सु़का मेचवाम बु मा?