थु़र्मा 19:27 - थुलुङ राई

²⁷ मु़चु़मिमका इकीमा ब्‍यापार जो़पा मिम्‍मिडिम बु। मेराम मेद्‌वामी र्‍वाक्‍पा ङिम कोङङा मेएँ, डोक्‍पु नो़पमा आर्तेमिसकु सो़रनेम वो हाम ना हामकाम दु़म। मेम्‍मा एशिया नुङ खोत्‍ले सु़म्‍दिसेरडाम मु़चु़मिमका डोक्‍पु मिम्‍मु डिन्‍मी।”

थु़र्मा 19:27 Referans Kwoze

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

रेम्‍बेट्‌मिडिम ल्‍वा 13:3

मे हादीबाराकु कोले बुइडला ङिमलु़पा पार होप्‍माम ल्‍वासिक्‍पा बाइडा, लावो मे ङिमलु़पा ल्‍वासिक्‍पा पार सस्‍ता। मेम्‍मा सु़म्‍दिसेरडाम खोत्‍ले ओरामडाम ङाङाया दु़म्‍मिडी मा मे हादीबाराकु चङचङ लाम्‍दिम्‍डी।

१ यूहन्‍ना 5:19

गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

थु़र्मा 19:10

नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

रेम्‍बेट्‌मिडिम ल्‍वा 14:9

मेम्‍मा सुनोम पाह्रीचो़ मेर्चिपकु चङडा रोक्‍ता मा डोक्‍पु लो़लामका आरे र्‍वाक्‍ता, “कोङनिमका मे हादीबारा नुङ उ ङाटालाई सेव साड्‌डु़ मा मेरामकु छाप उ कुप्‍पीडा लोवो उ ल्‍वाडा लोवो रङडु़ माला,