थु़र्मा 19:21 - थुलुङ राई

²¹ ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 19:21 Referans Kwoze

थु़र्मा 20:22

“रेप्‍नी, माम्‍चु़नी-पेलका बट्‌ङिडिमिमका गो यरूशलेमथो़ लक्‍तोङा बेउ। मेसिन्‍डा गोलाई हाम दु़म गो मेचक्‍पु।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

रोमी 1:13

द्‍वादीबुङ वा-ल्‍वाकनी, गो इनीमाडा हापा खेप रोक्‍पा न बेउतो लोवो ओम्‍लोसम्‍म रोमु चाप्‍तोम मिबु र्‍वाक्‍पा ल्‍वा गानी थेसिथेट्‍नी र्‍वाङु। वाङ सामामिमगोडा खारी बेउतोम होम्‍साका गानीगोडा वो खारी बेसाका मु़चु़मिमलाई ख्रीष्‍टडा रेट्‍पा आमा न बु।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

१ थेसलोनिकी 1:7

मेम्‍मिमका माकेडोनिया नुङ अखैयाडाम थो़रलु़पा खोत्‍लेका इनीमा बेसी बोमी।

गलाती 2:1

को-ब्‍ल थ चङडा बारनाबासनुङ गो आथावो यरूशलेम लङ्‍डो। मेम्‍लो तीतस वो गुचुकुनुङ लस्‍ताम बाइडा।

१ कोरिन्थी 16:5

गो माकेडोनिया दु़म्‍साका लङुमिम चङडा इनीमाडा रोङु, हेङोलोने गो माकेडोनिया दु़म्‍तोङा लमु बासी।

रोमी 1:15

मेम्‍मिमका गानी रोमडा बाट्‍पामिमलाई वो जो़पा-सेला थो़बेन्‍मु छो़म आमा न बु।

थु़र्मा 28:16

गुकु रोमडा रोक्‍तोको, मा पावललाई उ त्‍वाप ङा बुमु ग्‍वाम्‍डी। लावो कोले सिपाहीका गुलाई रेप्‍थाल्‍लु़।

थु़र्मा 27:24

मा गोनुङ र्‍वाक्‍ता, ‘मेङिसा पावल, गाना रोमी हप कैसरकु ङादोडा येम्‍सिमु ङा बासी, मा गाना बुनामिमका गानानुङ लक्‍पा खोत्‍लेलाई माम्‍चु़नीका सेल्‍निमी।’

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 21:17

गुकु यरूशलेमडा रोक्‍थित्तोकोमा खोत्‍ले थो़रलु़पामिमका गुकुलाई छो़म गेर्सिक्‍तो क्रो़म्‍तिकिमी।

थु़र्मा 21:4

मेसिन्‍डा सीसिपामिमलाई माल्‍साका डार्तोकोमी, मा मेर्मिमनुङ गुकु येतलेम बात्तोको। मेर्मिमका माम्‍चु़नी-पेललामका पावललाई यरूशलेमडा मेलक्‍नी बेम्‍डी।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 16:12

मेसिम्‍मा माकेडोनियाकु डोक्‍पु शहर फिलिप्‍पीडा रोक्‍फात्तोको, मेराम शहर रोमीकु ल्‍वाडा बाइडा। गुकु मेसिन्‍डा कोलेम-नलेम बात्तोको।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।

रोमी 1:11

माम्‍चु़नी-पेललाममिम जि गानीनुङ दो़साका ख्रीष्‍टडा हापा सोनुङमा दु़म्‍बेन्‍मु चापुनु़ र्‍वाक्‍साका गो गानीनुङ घ्रो़म्‍मु न बेउतोम बु।

१ कोरिन्थी 4:19

लावो माम्‍चु़नीका न बेम्‍डी माला गो इनीमाडा दालाङा रोङु, मा मे डोक्‍पु लिसिक्‍पा मु़चु़मिमका जेम्‍डिम ल्‍वा कोङङा मेएँ मेर्मिमकु यु़म हाम रेछा मेराम रेपु।

२ कोरिन्‍थी 10:16

मेम्‍साका गुकु इनीमाडाम होनोवाम खोममिमडा जो़पा-सेला थो़बेन्‍मु चाम्‍कु। हेङालोने वाङमिम मु़चु़मिमका ङादोङा बोम्‍सोमु दु़म्‍मिडिम खारीडा डोक्‍पु लिम्‍सिमु आकीमा न मिबु।