थु़र्मा 19:2 - थुलुङ राई

² गुका मेर्मिमनुङ हिलाबु़डु़, “गानी थो़र लु़न्‍निमा माम्‍चु़नी-पेल इनीमाडा योम्‍डी?” मेर्मिमका र्‍वाम्‍डी, “माम्‍चु़नी-पेल बुमी र्‍वाक्‍पा ने गुकु थो़त्तोकोम वो मिबु।”

थु़र्मा 19:2 Referans Kwoze

गलाती 3:5

माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

थु़र्मा 19:5

ओराम ल्‍वा थो़म्‍डिमा मेर्मिमका ङाचो़ येशूकु नङडा कु-रु़दु़म रम्‍डी।

थु़र्मा 10:44

पत्रुसका ओर्मिम ल्‍वा जेत्तो बु़डु़ होङ्‍ङा सिजेम थो़पामिम खोत्‍लेडला माम्‍चु़नी-पेल योम्‍डी।

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

रोमी 1:11

माम्‍चु़नी-पेललाममिम जि गानीनुङ दो़साका ख्रीष्‍टडा हापा सोनुङमा दु़म्‍बेन्‍मु चापुनु़ र्‍वाक्‍साका गो गानीनुङ घ्रो़म्‍मु न बेउतोम बु।